ஸ்டாலின், அதிமுக பொதுச்செயலாளர் எடப்பாடி பழனிசாமியை டெல்லியின் முரட்டு அடிமை என மிகக் கடுமையான வார்த்தைகளால் விமர்சித்தார்.

மத்திய பாஜக அரசு கொண்டு வந்த மூன்று வேளாண் சட்டங்களை முன்னிறுத்தி எடப்பாடி பழனிசாமியைச் சாடிய முதல்வர்: பாஜகவின் ஏமாற்றுத் திட்டங்களுக்கு அடிமையாக இருக்கும் பழனிசாமி, அவர்களுக்கு முட்டுக் கொடுப்பதைப் பார்த்து டெல்லி பார்லிமென்ட்டே ஆடிப்போனது. விவசாயிகளின் வாழ்வாதாரத்தைப் பாதிக்கும் என நாடு முழுவதும் போராட்டங்கள் வெடித்த நிலையிலும், பாஜக அரசே அந்த 3 வேளாண் சட்டங்களை வாபஸ் வாங்கிய பிறகும், அதற்கு முரட்டு முட்டு கொடுத்தவர்தான் பழனிசாமி என்று விமர்சித்தார்.

மத்திய அரசுடன் அதிமுக கொண்டிருந்த உறவைச் சுட்டிக்காட்டிய அவர் சொந்த மாநில விவசாயிகளை விட டெல்லி மேலிடத்தின் உத்தரவுகளுக்கே பழனிசாமி முன்னுரிமை அளித்தார். அதனால்தான் அவரை டெல்லியின் முரட்டு அடிமை என்று மக்கள் அழைக்கிறார்கள் என ஆக்ரோஷமாகப் பேசினார். தமிழக உரிமைகளை டெல்லியில் அடகு வைத்துவிட்டு, தற்போது தேர்தல் நேரத்தில் மட்டும் வேடம் போடுவதாக அவர் குற்றம் சாட்டினார்.

காவிரி டெல்டா மற்றும் தமிழகத்தின் பிற பகுதி விவசாயிகளுக்கு அதிமுக ஆட்சிக்காலத்தில் இழைக்கப்பட்ட அநீதிகளைப் பட்டியலிட்ட முதல்வர், விவசாயி என்று சொல்லிக்கொள்ளும் பழனிசாமி, உண்மையில் விவசாயிகளுக்கு எதிராகவே செயல்பட்டார் எனச் சாடினார்.

இந்தத் தேர்தல் அடிமைத்தனத்திற்கும், உரிமையை மீட்டெடுக்கும் போராட்டத்திற்கும் இடையிலான போர். மக்கள் தகுந்த பாடம் புகட்டுவார்கள்" என்று கூறித் தனது உரையை முடித்தார்.

தேர்தல் தேதி நெருங்கும் வேளையில், முதல்வர் ஸ்டாலின் எடப்பாடி பழனிசாமி மீது நேரடியாகத் தொடுத்துள்ள இந்தத் தாக்குதல், அதிமுக - திமுக இடையிலான அரசியல் மோதலை உச்சத்திற்குக் கொண்டு சென்றுள்ளது.

தமிழகச் சட்டமன்றத் தேர்தலை முன்னிட்டு இன்று நடைபெற்ற பிரம்மாண்டமான பொதுக்கூட்டத்தில் உரையாற்றிய திமுக தலைவரும், முதலமைச்சருமான மு.க. ஸ்டாலின், அதிமுக பொதுச்செயலாளர் எடப்பாடி பழனிசாமியை டெல்லியின் முரட்டு அடிமை என மிகக் கடுமையான வார்த்தைகளால் விமர்சித்தார்.