சனிக்கிழமை மதியம் சம்பவத்தை மீண்டும் நடித்துக் காட்டும் நடவடிக்கையின்போது ஏற்பட்ட துப்பாக்கிச் சண்டையில், இச்சம்பவத்தின் முக்கியக் குற்றவாளியை போலீசார் சுட்டுக் கொன்றதாக, இவ்விவகாரம் குறித்து அறிந்த காவல்துறை அதிகாரிகள் தெரிவித்துள்ளனர்.

வெள்ளிக்கிழமை மதியம் சிறுமி காணாமல் போனதைத் தொடர்ந்து, இரண்டு சந்தேக நபர்களை போலீசார் அடையாளம் கண்டுள்ளனர். அவர்களில் முக்கியக் குற்றவாளி 40 வயதுடைய ஆண் என போலீசார் தெரிவித்துள்ளனர்.

இரண்டாவது சந்தேக நபரின் வீட்டில்தான் சிறுமி கடத்தப்பட்டு பாலியல் வன்கொடுமைக்கு உள்ளாக்கப்பட்டிருக்கலாம் என போலீசார் சந்தேகிக்கின்றனர். மேலும், சிறுமியின் உறவினர் ஒருவரின் பங்கு குறித்தும் விசாரணை நடைபெற்று வருகிறது. முக்கியக் குற்றவாளி, சிறுமியின் மாமாவின் வீட்டில் வாடகைக்கு வசித்து வந்தவர் என உள்ளூர்வாசிகள் தெரிவித்துள்ளனர்.

"மற்றொரு சந்தேக நபரின் வீட்டில்தான் பாலியல் வன்கொடுமையும் கொலையும் நடந்ததாக நாங்கள் நம்புகிறோம்" என கூடுதல் துணை காவல் ஆணையர் (மத்திய நொய்டா) ஸ்வதந்திர குமார் சிங் தெரிவித்துள்ளார்.

சனிக்கிழமை காலை கிராமத்தில் உள்ள குளம் அருகே உள்ள பகுதியில் இருந்து சிறுமியின் உடலை போலீசார் மீட்டனர். இதையடுத்து, கிராம மக்கள் பிரதான சாலையில் திரண்டு, குற்றவாளிகளுக்கு எதிராக முழக்கங்களை எழுப்பினர்.

சிசிடிவி காட்சிகள் மற்றும் பிற ஆதாரங்களின் அடிப்படையில் சேகரிக்கப்பட்ட தகவல்கள் மூலம் முக்கிய சந்தேக நபரை போலீசார் அடையாளம் கண்டதாகத் தெரிவிக்கப்பட்டுள்ளது. அவர் சனிக்கிழமை பிற்பகல் விசாரணைக்காகக் கைது செய்யப்பட்டார்.

டி-பார்க் காவல் புறக்காவல் நிலையம் அருகே உள்ள புதர்களில் குற்றத்திற்குப் பயன்படுத்தப்பட்ட ஆயுதத்தை மறைத்து வைத்திருப்பதாக சந்தேக நபர் போலீசாரிடம் தெரிவித்ததாகக் கூறப்படுகிறது.

இதையடுத்து, அந்த இடத்திற்கு அவரை போலீசார் அழைத்துச் சென்றபோது, அவர் காவலர்களைத் தள்ளிவிட்டு, அங்கு மறைத்து வைத்திருந்த கைத்துப்பாக்கியை எடுத்து போலீசாரை நோக்கிச் சுட்டதாக அதிகாரிகள் தெரிவித்தனர்.

இதில் ஒரு காவலர் காயமடைந்தார். தற்காப்புக்காக போலீசார் பதிலடி கொடுத்ததில், குற்றம் சாட்டப்பட்ட நபரும் காயமடைந்தார்.

இதையடுத்து, குற்றம் சாட்டப்பட்ட நபரையும், காயமடைந்த காவலரையும் போலீசார் உடனடியாக மருத்துவமனைக்கு அழைத்துச் சென்றனர். அங்கு சிகிச்சை பலனின்றி குற்றம் சாட்டப்பட்ட நபர் உயிரிழந்ததாக மருத்துவர்கள் தெரிவித்தனர். காயமடைந்த காவலர் தொடர்ந்து சிகிச்சை பெற்று வருகிறார் என துணை காவல் ஆணையர் ஸ்வதந்திர குமார் சிங் தெரிவித்துள்ளார்.

சிறுமியின் உடல் பிரேதப் பரிசோதனைக்காக அனுப்பப்பட்டுள்ளது. பிரேதப் பரிசோதனையை மேற்கொள்ள மருத்துவர்கள் குழு அமைக்கப்பட்டுள்ளது. மேலும், பிரேதப் பரிசோதனை முழுவதும் வீடியோ பதிவு செய்யப்படும் என போலீசார் தெரிவித்துள்ளனர்.

இந்தச் சம்பவம் தொடர்பாக பிஎன்எஸ் சட்டத்தின் 65 மற்றும் 103 ஆகிய பிரிவுகளின் கீழும், போக்சோ சட்டத்தின் தொடர்புடைய பிரிவுகளின் கீழும் வழக்குப் பதிவு செய்யப்பட்டுள்ளதாக போலீசார் தெரிவித்துள்ளனர்.

இதற்கிடையே, வெள்ளிக்கிழமை மதியம் ஒருவர் சிறுமியைப் பின்தொடர்வதைக் காட்டுவதாகக் கூறப்படும் சிசிடிவி காட்சிகள் சமூக வலைதளங்களில் வெளியாகியுள்ளன. அந்த நபர் தனது முதுகில் ஒரு சாக்குப் பையுடன் திரும்பிச் செல்வதும் அந்தக் காட்சிகளில் பதிவாகியுள்ளது.

ரேட்டர் நொய்டாவின் ஹல்தோனி கிராமத்தில் பாலியல் வன்கொடுமைக்கு உள்ளாக்கப்பட்டு கொலை செய்யப்பட்ட ஆறு வயது சிறுமியின் உடல் கண்டெடுக்கப்பட்ட சில மணி நேரங்களிலேயே, இச்சம்பவத்தில் தொடர்புடைய முக்கிய குற்றவாளி சுட்டுக்கொல்லப்பட்டார்.