தமிழ்நாடு சட்டமன்றத் தேர்தல் 2026-ல் தமிழக அரசியல் களம் பெரும் மாற்றத்தை சந்தித்துள்ளது. நடிகர் விஜய் தலைமையிலான தமிழக வெற்றி கழகம் புதிய சக்தியாக உருவெடுத்து, பெரும் வெற்றியைப் பெற்ற நிலையில், காங்கிரஸ் கட்சியின் உள்ளாட்டு உணர்வுகள் மற்றும் மேலிட முடிவுகள் குறித்து புதிய விவாதங்கள் எழுந்துள்ளன.

இந்தச் சூழலில் தமிழ்நாடு காங்கிரஸ் மேலிடப் பொறுப்பாளர் கிரிஷ் ஜோடங்கர் அளித்த பேட்டியில், தேர்தலுக்கு முன்பே தொண்டர்கள் தவெகவுடன் கூட்டணி அமைக்க வேண்டும் என விருப்பம் தெரிவித்ததாகவும், ஆனால் காங்கிரஸ் தலைமை திமுகவுடன் கூட்டணி என்ற முடிவுக்கு வந்ததாகவும் தெரிவித்தார். கிரிஷ் ஜோடங்கர் தனது பேட்டியில், 'விஜய் - ராகுல் இணைந்து பிரச்சாரம் செய்தால் 180 முதல் 190 இடங்கள் வரை வெல்லும் என நம்பினோம்' என்று கூறினார். இது தமிழக அரசியலில் பெரும் பரபரப்பை ஏற்படுத்தியுள்ளது.

தேர்தல் முடிவுகளுக்குப் பிறகு, இளைஞர்கள் மற்றும் பெண்கள் உள்ளிட்ட பல தரப்பினரும் மாற்றத்திற்காக வாக்களித்ததை அவர் ஒப்புக்கொண்டார். தவெகவுக்கு பெரும் ஆதரவு கிடைத்ததற்கு இதையே காரணமாகச் சுட்டிக்காட்டினார். தேர்தலுக்கு முன் காங்கிரஸ் உள்ளாட்டு மட்டத்தில் தவெகவுடன் கூட்டணி விருப்பம் வலுவாக இருந்தது. பல தொண்டர்கள் மற்றும் உள்ளூர் தலைவர்கள், விஜயின் புதிய அரசியல் அலைக்கு ஆதரவாகக் கருத்து தெரிவித்தனர். சிலர் தவெக தரப்பில் போட்டியிட்டதாகவும் தகவல்கள் வெளியாகின.

இருப்பினும், காங்கிரஸ் உயர்மட்டத் தலைமை, நீண்டகால கூட்டணியான திமுகவுடன் தொடர முடிவெடுத்தது. இந்த முடிவு யதார்த்தத்தை விட கூட்டணி கட்டாயத்தை முன்னிறுத்தியதாக பின்னர் விமர்சனங்கள் எழுந்தன. இதைத்தொடர்ந்து சட்டமன்ற தேர்தல் நிறைவடைந்த நிலையில் தமிழக வெற்றி கழகம் மாபெரும் வெற்றியை பெற்றுள்ளது. இருப்பினும் ஆட்சி அமைக்க இன்னும் பத்து சீட்டுகள் தேவைப்படுகின்றன. காங்கிரஸ் உடன் பேச்சு வார்த்தை நடந்து வருவதாக தகவல்கள் கசிந்துள்ளன. இந்த நிலையில் ஆதரவு தருவதற்கு காங்கிரஸ் இதுவரை மறுப்பு தெரிவிக்கவில்லை. இந்த நிலையில் ஏற்கனவே காங்கிரஸ் தொண்டர்கள் தமிழக வெற்றி கழகத்துடன் கூட்டணி வைக்க வேண்டும் என்று விரும்பியதாக கிரிஷ் ஜோடங்கர் தெரிவித்துள்ளது கவனத்தை ஈர்த்துள்ளது.