தமிழகத்தில் பொங்கல் பண்டிகை என்பது மக்களின் வாழ்வோடு பின்னிப் பிணைந்த ஒரு பாரம்பரிய விழா. அந்த மகிழ்ச்சியை மேலும் சிறப்பாக்கும் வகையில், அரசு அறிவிக்கும் பொங்கல் பரிசு குறித்த எதிர்பார்ப்பு இந்த ஆண்டு மக்கள் மத்தியில் மீண்டும் அதிகரித்துள்ளது.

பொங்கல் பரிசு வழங்கும் மரபு

தமிழகத்தில் ஒவ்வொரு ஆண்டும் அரசு சார்பில் அனைத்து ரேஷன் அட்டைதாரர்களுக்கும் பொங்கல் பரிசு தொகுப்பு வழங்கப்பட்டு வருகிறது. கடந்த இரண்டு ஆண்டுகளாக இந்த தொகுப்புடன் சேர்த்து ரொக்க பணமும் வழங்கப்பட்டு வந்தது என்பது குறிப்பிடத்தக்கது.

2025-ல் ரொக்கத் தொகை ஏன் இல்லை?

ஆனால் 2025 ஆம் ஆண்டு பொங்கல் பண்டிகையில், நிதி பற்றாக்குறை காரணமாக ரொக்க பணம் வழங்கப்படவில்லை. இதனால் பரிசு தொகுப்பு மட்டுமே வழங்கப்பட்டு, பல குடும்பங்களில் ஏமாற்றம் ஏற்பட்டது.

மார்னிங் மகிழ்ச்சி செய்தி! ரேஷன் அட்டைதார்களுக்கு பொங்கல் பரிசு..! தமிழக அரசு வெளியிட்ட அறிவிப்பு!

2026-ல் ரொக்கத்துடன் பொங்கல் பரிசு?

இந்நிலையில் 2026 சட்டமன்றத் தேர்தல் நெருங்கி வரும் சூழலில், 2026 பொங்கலின் போது குடும்ப அட்டைகளுக்கு ரூ.3000 முதல் ரூ.5000 வரை ரொக்க உதவி வழங்கப்படும் என்ற தகவல்கள் வெளியாகி வருகின்றன. இதனால் பொதுமக்கள் மத்தியில் பெரும் எதிர்பார்ப்பு உருவாகியுள்ளது.

முதல்வர் அறிவிப்பு எப்போது?

வழக்கம்போல் ஜனவரி முதல் வாரத்தில் பொங்கல் பரிசு பெறுவதற்கான டோக்கன்கள் வழங்கப்படும் என எதிர்பார்க்கப்படுகிறது. புத்தாண்டு வாழ்த்துகளுடன் முதல்வர் ஸ்டாலின் இது தொடர்பான அரசு அறிவிப்பு ஒன்றை வெளியிட வாய்ப்புள்ளதாக அரசியல் வட்டாரங்களில் பேசப்படுகிறது.