விமானத்தின் குறுகிய இடவசதியைப் பொருட்படுத்தாமல், பலகாரங்கள் மற்றும் தின்பண்டங்களை ஒரு பெரிய விருந்து போலப் பரிமாறிக்கொண்ட இவர்களின் செயல் சமூக வலைதளங்களில் பலத்த எதிர்வினைகளைச் சம்பாதித்துள்ளது.

இந்தக் காணொளிக்கு ஆதரவாகவும், எதிராகவும் இணையவாசிகள் இரண்டு பிரிவாகப் பிரிந்து விவாதித்து வருகின்றனர். விமானங்களில் சொந்தமாக உணவு எடுத்துச் செல்வது அனுமதிக்கப்பட்ட ஒன்றுதான் என்றும், குடும்பத்துடன் நேரத்தைச் செலவிடுவதில் என்ன தவறு என்றும் ஒரு தரப்பினர் இவர்களை ஆதரித்து வாதிடுகின்றனர். ஆனால், மற்றோரு தரப்பினரோ இது பொது இடத்துக்கான நாகரிகம் அற்ற செயல் என்றும், விமானத்தின் வரையறுக்கப்பட்ட இடத்தினுள் இவ்வாறு பெரிய அளவில் உணவுப் பொருட்களைப் பரப்புவது மற்ற பயணிகளுக்கு மிகுந்த அசௌகரியத்தை ஏற்படுத்தும் என்றும் கடுமையாக விமர்சித்துள்ளனர்.