மபெட்டும் காரின் கதவும் மோதிய விபத்தில், பின் இருக்கையில் அமர்ந்திருந்த பெண் ஒருவர் திடீரென கதவைத் திறந்ததால் நிலைதடுமாறி சாலையில் தூக்கி வீசப்பட்ட 56 வயது நபர் தீவிர தலைக்காயம் அடைந்தார்.
கடந்த வாரம் நடந்த இந்த விபத்து தொடர்பான சிசிடிவி காட்சிகள் தற்போது வெளியாகி பெரும் அதிர்ச்சியை ஏற்படுத்தியுள்ளன.
விபத்து நடந்தவுடன் அருகில் இருந்தவர்களால் உடனடியாக மீட்கப்பட்ட அந்த நபர், தீவிர சிகிச்சைக்காக மருத்துவமனையில் அனுமதிக்கப்பட்டார். அங்கு நான்கு நாட்களாகத் தொடர்ந்து தீவிர சிகிச்சை பெற்று வந்த போதிலும், சிகிச்சை பலனின்றி அவர் பரிதாபமாக உயிரிழந்தார்.
இந்தச் சம்பவம் குறித்து காவல்துறை விசாரணை நடத்தி வரும் நிலையில், விபத்துக்கான முழுமையான சூழ்நிலைகள் மற்றும் சம்பந்தப்பட்டவர்கள் மீது எடுக்கப்பட்டுள்ள நடவடிக்கைகள் குறித்த மேலதிகத் தகவல்கள் விரைவில் எதிர்பார்க்கப்படுகின்றன.