அதிமுகவின் மூத்த தலைவர் கே.பி. முனிசாமி முன்னிலையில், குமார் தனது ஆதரவாளர்கள் சுமார் 200 பேருடன் அக்கட்சியில் இணைந்தார். திமுக கூட்டணியில் இருந்து பிரிந்து, தனித்துப் போட்டியிடும் தவாக கட்சிக்கு, தேர்தல் நேரத்தில் கட்சியின் முக்கியப் பொறுப்பாளர் விலகியது பெரிய பின்னடைவாகக் கருதப்படுகிறது.

கட்சியின் வேட்பாளராக அறிவிக்கப்பட்ட ஒருவரே மாற்றுக்கட்சியில் இணைந்தது தவாக தலைவர் வேல்முருகனுக்கு பெரும் அதிர்ச்சியை ஏற்படுத்தியுள்ளது. தேர்தல் களம் சூடுபிடித்துள்ள நிலையில், வேப்பனப்பள்ளி தொகுதியில் இது அதிமுகவிற்கு வலுசேர்க்கும் ஒரு நகர்வாகப் பார்க்கப்படுகிறது. வேட்பாளர் மாற்றத்தால் தவாக அங்கு புதிய சிக்கலை எதிர்கொண்டுள்ளது.