தமிழக அரசியலில் பெரும் பரபரப்பை ஏற்படுத்தியுள்ள தற்போதைய சூழலில், தமிழக வெற்றிக் கழக அரசுக்கு எதிராக பிரதான எதிர்க்கட்சிகளான திமுக, அதிமுக மற்றும் பாஜக ஆகிய மூன்று கட்சிகளும் ஒரே நாளில் ஆளுநரிடம் தனித்தனியே புகார் மனுக்களை அளித்துள்ளன.
இதில் ஆளுங்கட்சிக்கு பெரும் குடைச்சலாக மாறியுள்ள குதிரை பேர விவகாரத்தை கையில் எடுத்துக்கொண்டு திமுகவும் அதிமுகவும் ஆளுநரைச் சந்தித்து தங்களது கண்டனங்களையும் புகார்களையும் பதிவு செய்துள்ள நிலையில், உயர்கல்வித் துறை அமைச்சர் பள்ளி மாணவி ஒருவரிடம் ஆபாசமாக நடந்து கொண்டதாகக் கூறப்படும் கடுமையான குற்றச்சாட்டை முன்வைத்து பாஜக தரப்பில் புகார் மனு அளிக்கப்பட்டுள்ளது.
தவெக அரசுக்கு நெருக்கடி கொடுக்கும் வகையில் எதிர்க்கட்சிகள் அனைத்தும் ஒரே நேர்க்கோட்டில் களம் இறங்கியுள்ள அதே வேளையில், தங்களது கட்சியின் எம்.எல்.ஏ-க்கள் ராஜினாமா செய்த தொகுதிகளில் தற்போதைக்கு இடைத்தேர்தல் எதையும் நடத்தக் கூடாது என வலியுறுத்தி இந்திய தேர்தல் ஆணையத்தை நாடவும் அதிமுக தீவிரமாகத் திட்டமிட்டு வருவது தமிழக அரசியல் களத்தில் அடுத்த கட்ட நகர்வாக உற்றுநோக்கப்படுகிறது.

