திருச்செங்கோட்டில் நேற்று (ஏப்.5) நடைபெற்ற கட்சி நிர்வாகிகள் கூட்டத்தில் பேசிய அவர், தவெக தொண்டர்கள் விவரம் அறியாதவர்கள் அல்ல என்பதைத் திட்டவட்டமாகத் தெரிவித்தார். தங்கள் கட்சியினரைத் தற்குறிகள் எனக் கேலி செய்பவர்கள், கள யதார்த்தத்தைப் புரிந்து கொள்ளாமல் பேசுவதாகவும் அவர் தனது உரையில் குறிப்பிட்டார்.

திமுகவினருக்கு நேரடி சவால் விடுத்துள்ள அருண்ராஜ், “எங்கள் மாவட்ட ஒன்றிய செயலாளரை விவாதத்திற்கு அனுப்புகிறோம், அதேபோல் திமுகவின் ஒன்றிய செயலாளரை வரச் சொல்லுங்கள்; நேருக்கு நேர் விவாதம் செய்து யார் தற்குறி என்பதை நிரூபிப்போம்” என ஆவேசமாகப் பேசினார். அறிவார்ந்த ரீதியிலும் அரசியல் ரீதியிலும் எந்தவொரு விவாதத்திற்கும் தங்கள் கட்சியினர் தயார் என்பதை இந்தச் சவால் மூலம் அவர் வெளிப்படுத்தியுள்ளார்.