பாசறைப் பாணர் தேனிசை செல்லப்பா ஏப்ரல் 28 அன்று அதிகாலை மறைவுற்றார்.அவருக்கு தமிழீழம் மற்றும் உலகெங்கும் நினைவு வணக்க நிகழ்வுகள் நடைபெற்றுக் கொண்டிருக்கின்றன.

அவற்றில் ஒன்றாக, தமிழர் ஒருங்கிணைப்பு குழு - பிரான்சு தமிழர் கலைப்பண்பாட்டு கழகம் பிரான்சசின் ஏற்பாட்டில் மாமனிதர் பாசறைப்பாணர் தேனிசை செல்லப்பா அவர்களின் நினைவு வணக்க நிகழ்வு 03.05.2026 ஞாயிற்றுக்கிழமை முற்பகல் 11.00 மணிக்கு பிரான்சு திரான்சிப் பகுதியில் இடம்பெற்றது.

இந்நிகழ்வில் பொதுச் சுடரினை தமிழர் ஒருங்கிணைப்புக் குழு துணைப் பொறுப்பாளர் செல்வி நிதுஷா அவர்கள் ஏற்றிவைக்க மாமனிதர் செல்லப்பா அவர்களின் திருவுருவப்படத்திற்கான ஈகைச் சுடரை மாமனிதர் செல்லப்பா அவர்களின் பேர்த்தியார் குயில்மொழி ஏற்றிவைத்து மலர் வணக்கம் செலுத்தினார்.

மாவீரர் பொதுப்படத்திற்கான ஈகைச் சுடரினை- 21.04.2001 அன்று வீரச்சாவைத் தழுவிக்கொண்ட 2 ஆம் லெப்.ஆதவன் அவர்களின் சகோதரன் ஏற்றிவைத்து மலர்வணக்கம் செலுத்தினார்.
அகவணக்கத்தைத் தொடர்ந்து நிகழ்வில் கலந்துகொண்ட அனைவரும் சுடர் ஏற்றி மலர்வணக்கம் செலுத்தினர்.

மாமனிதர் செல்லப்பா அவர்களின் நினைவான அனைத்துலகத் தொடர்பக அறிக்கையை - தமிழர் ஒருங்கிணைப்பபுக் குழு நிர்வாகப் பொறுப்பாளர் திரு. மேத்தா அவர்கள் வாசித்தளித்தார்.

மாமனிதர் செல்லப்பா அவர்களின் நினைவான தமிழர் ஒருங்கிணைப்புக் குழு பிரான்சின் அறிக்கையை - தமிழர் ஒருங்கிணைப்பு குழு பிரான்சின் முக்கிய செயற்பாட்டாளர் திரு.செவ்வேள் அவர்கள் வாசித்தளித்தார்