வேட்புமனு தாக்கல் செய்துள்ள நிலையில், அவர் தாக்கல் செய்த ஆவணங்களில் குறிப்பிடப்பட்டுள்ள சொத்து விவரங்கள் தற்போது பேசுபொருளாகியுள்ளது. அதன்படி, எடப்பாடி பழனிச்சாமியின் பெயரில் உள்ள அசையும் சொத்து மதிப்பு மிக குறைவாக இருப்பதாகவும், அசையா சொத்துகள் எதுவும் இல்லை எனவும் குறிப்பிடப்பட்டுள்ளது.

மாறாக, அவரது மனைவி ராதா பெயரில் கணிசமான சொத்துகள் இருப்பது குறிப்பிடத்தக்கது. குறிப்பாக, சுமார் ரூ.3.45 கோடி மதிப்பிலான அசையா சொத்துகளும், ரூ.2.16 கோடி மதிப்பிலான அசையும் சொத்துகளும் இருப்பதாக தெரிவிக்கப்பட்டுள்ளது. மேலும், அவரது மனைவியின் பெயரில் பல நிலங்கள் மற்றும் ஒரு பண்ணை வீடும் உள்ளதாக தகவல்கள் வெளியாகியுள்ளன. வருமான விவரங்களைப் பொருத்தவரை, எடப்பாடி பழனிச்சாமி ஆண்டுக்கு சுமார் ரூ.10 லட்சம் சம்பள வருமானமும், ரூ.1 லட்சம் வட்டி வருமானமும் பெற்றுள்ளதாக தெரிவித்துள்ளார். அதேபோல், அவரது மனைவியும் ரூ.8 லட்சம் வருமானம் மற்றும் ரூ.1 லட்சம் வட்டி வருமானம் பெற்றுள்ளதாகக் கூறப்பட்டுள்ளது.

- திருமாவளவன் திமுகவால் மிரட்டப்படுகிறார்.. காரணம் உதயநிதி ஸ்டாலின் தான்.. அண்ணாமலை அதிரடி!

கையில் உள்ள ரொக்கப் பணம் தொடர்பாகவும் விவரங்கள் வெளியிடப்பட்டுள்ளன. அதன்படி, எடப்பாடி பழனிச்சாமியிடம் ரூ.50,000 ரொக்கம் இருப்பதாகவும், அவரது மனைவியிடம் ரூ.1 லட்சம் ரொக்கம் இருப்பதாகவும் குறிப்பிடப்பட்டுள்ளது. நகைகள் தொடர்பாக பார்க்கும்போது, எடப்பாடி பழனிச்சாமியிடம் சுமார் 100 கிராம் தங்க நகைகள் இருப்பதாகவும், அதன் மதிப்பு ரூ.11.25 லட்சம் எனவும் கூறப்பட்டுள்ளது. அவரது மனைவியிடம் 720 கிராம் தங்க நகைகள் இருப்பதாகவும், அதன் மதிப்பு ரூ.81 லட்சம் எனவும் ஆவணங்களில் பதிவு செய்யப்பட்டுள்ளது.

மொத்தமாக பார்க்கும்போது, வங்கி இருப்புகள் உட்பட எடப்பாடி பழனிச்சாமியின் சொத்து மதிப்பு ரூ.50.86 லட்சம் அளவிலும், அவரது மனைவி ராதாவின் சொத்து மதிப்பு ரூ.2.16 கோடி அளவிலும் இருப்பதாக கணக்கிடப்பட்டுள்ளது. மேலும், அவரது பெயரில் எந்தவொரு வாகனமும் இல்லை என்பதும் குறிப்பிடப்பட்டுள்ளது. வேளாண்மை நிலங்கள் தொடர்பாக, எடப்பாடி பழனிச்சாமியிடம் நிலங்கள் எதுவும் இல்லையென கூறப்பட்டுள்ள நிலையில், அவரது மனைவியின் பெயரில் சுமார் 4200 சதுர அடி நிலம் இருப்பதாகவும் தகவல் வெளியாகியுள்ளது. அதேபோல், அவருக்கு பூர்விக சொத்துகளும் இல்லை எனவும் குறிப்பிடப்பட்டுள்ளது.

கடன் விவரங்களில், சுமார் ரூ.17 லட்சம் அளவிலான தனிநபர் கடன் இருப்பதாகவும், வங்கிக் கடன் எதுவும் இல்லை எனவும் தெரிவிக்கப்பட்டுள்ளது. மேலும், மின்சாரம், குடிநீர் மற்றும் வாடகை உள்ளிட்ட நிலுவை கட்டணங்கள் எதுவும் இல்லை என்பதும் தெளிவுபடுத்தப்பட்டுள்ளது.
இந்நிலையில், 2021 ஆம் ஆண்டின் சொத்து மதிப்புடன் தற்போது வெளியான 2026 சொத்து விவரங்களை ஒப்பிட்டு பலரும் ஆராய ஆரம்பித்துள்ளனர். இந்த மாற்றங்கள் அரசியல் மற்றும் பொருளாதார ரீதியாக பல்வேறு விவாதங்களை கிளப்பியுள்ளது. தேர்தல் சூழல் தீவிரமாகும் நிலையில், தலைவர்களின் சொத்து விவரங்கள் வெளிப்படையாக வெளியாகுவது வாக்காளர்களின் கவனத்தை ஈர்க்கும் முக்கிய அம்சமாக பார்க்கப்படுகிறது. இதன் மூலம் அரசியல் வெளிப்படைத்தன்மை மற்றும் நம்பிக்கை குறித்து மீண்டும் விவாதங்கள் எழுந்துள்ளன.