Gold Rate Today: சர்வதேச பொருளாதார நிலைமைகள், அமெரிக்க டாலரின் மதிப்பு மாற்றம், வட்டி விகித ஏற்றத்தாழ்வுகள், புவியியல் அரசியல் பதற்றங்கள் உள்ளிட்ட பல்வேறு காரணிகளை அடிப்படையாகக் கொண்டு தங்கத்தின் (Gold) விலை தினந்தோறும் நிர்ணயம் செய்யப்படுகிறது.

சென்னையில் இன்றைய தங்கம் மற்றும் வெள்ளி விலை நிலவரம் இதோ

இன்றைய விலை நிலவரம் (Gold):

சென்னையில் இன்றைய (மே 06, புதன்கிழமை) தங்கம் மற்றும் வெள்ளியின் விலை நிலவரம் பற்றி தெரிந்து கொள்ளலாம். சென்னையில் (chennai) நேற்று தங்கம் விலையானது அதிரடியாக குறைந்தது. கிராமுக்கு ரூ.180 குறைந்து ஒரு கிராம் ரூ.13,820-க்கும் தங்கம் சவரனுக்கு ரூ.1440 குறைந்து ஒரு சவரன் ரூ.1,10,560-க்கு விற்பனையானது. இந்நிலையில் தங்கம் விலையானது இன்று மீண்டும் அதிரடியாக உயர்ந்துள்ளது.. கிராமுக்கு ரூ.230 உயர்ந்து ஒரு கிராம் ரூ.14,050க்கும், சவரனுக்கு ரூ.1840 உயர்ந்து ரூ.1,12,400-க்கு விற்பனையாகிறது.

இன்றைய வெள்ளி விலை நிலவரம் (Silver):
சென்னையில் நேற்று ஒரு கிராம் வெள்ளி ரூ.265-க்கு விற்பனையான நிலையில் இன்று கிராமுக்கு ரூ.5 உயர்ந்து ஒரு கிராம் வெள்ளி ரூ.270 க்கு விற்பனையாகிறது. ஒரு கிலோ வெள்ளி 2,70,000க்கு விற்பனை செய்யப்படுகிறது.

: புதுச்சேரியில் இன்று மின் தடை அறிவிப்பு.. 2 மணி நேரம் இங்கெல்லாம் மின்சாரம் இருக்காது

தங்கம் விலை உயர்வுக்கு என்ன காரணம்?
உலக சந்தையில் நிலவி வரும் நிச்சயமற்ற சூழ்நிலையின் காரணமாக, முதலீட்டாளர்கள் பாதுகாப்பான முதலீடாக தங்கத்தை அதிகம் நாடி வருகின்றனர். இதன் விளைவாக தங்கத்தின் விலை தொடர்ந்து உயர்வை சந்தித்து வருகிறது. உலகளவில் மிக மதிப்புமிக்க உலோகங்களில் ஒன்றாக திகழும் தங்கத்தை, தனிநபர் முதலீட்டாளர்கள் மட்டுமின்றி இந்திய ரிசர்வ் வங்கி போல பல்வேறு நாடுகளின் மத்திய வங்கிகளும் பெருமளவில் வாங்கிக் குவித்து வருகின்றன.

பல நாடுகளின் மத்திய வங்கிகள் தங்களது வெளிநாட்டு நாணய கையிருப்பை வலுப்படுத்தும் நோக்கில் தங்க முதலீட்டில் அதிக கவனம் செலுத்தி வருவதாக பொருளாதார நிபுணர்கள் தெரிவிக்கின்றனர். இதனால் கடந்த டிசம்பர் 15ஆம் தேதியன்று, வரலாற்ற முதல் முறையாக சவரனுக்கு ₹1,00,000 என்ற முக்கிய மைல்கல்லை தங்கம் விலை எட்டியது.

: மகளிர் உரிமைத் தொகை ரூ.2500.. 6 இலவச கேஸ் சிலிண்டர்கள்.. விஜய் போடப்போகும் முதல் கையெழுத்து எது?

ஜனவரி மாதம் முழுவதும் தங்கத்தின் விலை தினந்தோறும் புதிய வரலாற்று உச்சங்களை தொட்டு, சவரன் ஒன்றரை லட்ச ரூபாயை நெருங்கும் அளவுக்கு உயர்ந்தது. அதே நேரத்தில் வெள்ளி விலையும் கடுமையாக உயர்ந்து, ஒரு கிலோ வெள்ளி ₹4.25 லட்சம் வரை சென்றது. இதன் பிறகு சற்றே தங்கம், வெள்ளியின் விலைகள் குறைந்தன.

இந்த மே மாதம் தொடக்கத்தில் இருந்து தங்கம் விலையானது தொடர்ந்து ஏற்ற இறக்கத்துடன் விற்பனையாகி வருகிறது. மே 1-ம் தேதி 22 கேரட் ஆபரணத் தங்கம் ஒரு சவரன் ரூ.1,11,360-க்கு விற்பனையானது. இந்நிலையில் தங்கம் விலை இன்று ரூ.1,12,400-க்கு விற்பனையாகிறது. நேற்று ரூ.1,10,560க்கு தங்கம் விற்பனையாகி வந்த நிலையில் இன்று ரூ.1840 அதிரடியாக உயர்ந்துள்ளது.