முதல் பாகத்தின் வெற்றியைத் தொடர்ந்து உருவாகியுள்ள இந்த இரண்டாம் பாகத்தை, அதே இயக்குநரான ஸ்ரீ செந்தில் இயக்கியுள்ளார். இப்படம் ஏப்ரல் 3ஆம் தேதி திரையரங்குகளில் வெளியாக உள்ளது.

இந்த படத்தில் பரத் போலீஸ் அதிகாரியாக நடித்துள்ளார். அவருடன் இணைந்து அஜய் கார்த்தி முக்கிய கதாபாத்திரத்தில் தோன்றுகிறார். மேலும், நீண்ட இடைவெளிக்குப் பிறகு சங்கீதா இந்த படத்தின் மூலம் மீண்டும் திரையில் தோன்றுவது ரசிகர்களுக்கு கூடுதல் எதிர்பார்ப்பை ஏற்படுத்தியுள்ளது. இவர்களுடன் பாவனி ஸ்ரீ மற்றும் அபர்ணதி ஆகியோரும் முக்கிய வேடங்களில் நடித்துள்ளனர்.

'காளிதாஸ்' முதல் பாகம் குடும்பத்தை மையமாகக் கொண்ட புலனாய்வு கதையாக இருந்தது. அதே போன்று, இந்த இரண்டாம் பாகமும் கிரைம் மற்றும் சஸ்பென்ஸ் கலந்த திரில்லர் கதைக்களத்துடன் உருவாகியுள்ளது. ஆனால் இந்த முறை கதை இன்னும் பரபரப்பாகவும் அதிரடியாகவும் அமைந்துள்ளது.

- 'திமுக பாதி கதர் கூட்டணி, பாதி காவி கூட்டணி..' திருச்சியில் வேட்புமனு தாக்கல் செய்த தவெக தலைவர் விஜய் பேச்சு!
என்ன கதை?

கதையின் மையம், 560 பேர் வசிக்கும் ஒரு பெரிய அபார்ட்மெண்ட்டைச் சுற்றி நகர்கிறது. அங்கு ஒரு குழந்தை திடீரென காணாமல் போகிறது. இதனை விசாரிக்க போலீஸ் அதிகாரிகளான பரத் மற்றும் பவானி ஸ்ரீ களமிறங்குகின்றனர். ஆரம்பத்தில் சாதாரண காணாமல் போன வழக்காக தோன்றிய இது, பின்னர் சிக்கலான கொலை வழக்காக மாறுகிறது. காணாமல் போன குழந்தை இறந்த நிலையில் கிடைக்க, அதனைத் தொடர்ந்து மேலும் சில மர்மமான மரணங்கள் நடைபெறுகின்றன. இந்தச் சம்பவங்களில் சந்தேகநபராக அஜய் கார்த்தி கைது செய்யப்படுகிறார். ஆனால் அவரை ஒரு பிரபல வழக்கறிஞர் விடுவிக்கிறார். உண்மையில் இந்த கொலைகளை யார் செய்கிறார்கள்? அதன் பின்னணி என்ன? என்பதைக் கதை விறுவிறுப்பாக வெளிப்படுத்துகிறது.

எப்படி இருக்கு?

படத்தில் பரத் தனது போலீஸ் வேடத்தில் வலுவான நடிப்பை வழங்கியுள்ளார். அதேபோல் அஜய் கார்த்தியின் கதாபாத்திரமும் திருப்பங்களால் நிறைந்ததாக உள்ளது. சங்கேதா, பவானி ஸ்ரீ, அபர்ணதி உள்ளிட்ட நடிகர்கள் தங்கள் கதாபாத்திரங்களுக்கு உயிர் கொடுத்துள்ளனர்.

இசையமைப்பாளர் சாம் சி.எஸ். படத்தின் மனநிலைக்கு ஏற்ப திகில் உணர்வை கூட்டும் பின்னணி இசையை வழங்கியுள்ளார். ஒளிப்பதிவாளர் சுரேஷ் பாலாவின் காட்சிப்பதிவு, திரில்லர் அனுபவத்தை மேலும் வலுப்படுத்துகிறது. எடிட்டர் புவன் ஸ்ரீனிவாசனின் கட்டுப்படுத்தப்பட்ட எடிட்டிங் படத்தின் வேகத்தை சரியாக தக்க வைத்திருக்கிறது.

- கேரவனில் நடிகைக்கு பாலியல் வன்கொடுமை.. பிரபல மலையாள இயக்குனர் ரஞ்சித் கைது.. கேரளா சினிமாவில் பரபரப்பு!

மொத்தத்தில், 'காளிதாஸ் 2' ஒரு பரபரப்பான, திருப்பங்கள் நிறைந்த கிரைம் திரில்லராக ரசிகர்களை கவரும் வகையில் உருவாகியுள்ளதாக பாராட்டுக்கள் குவிந்து வருகிறது. முதல் பாகத்தை விட அதிகமான சஸ்பென்ஸ் மற்றும் எமோஷனுடன் இந்த படம் வெற்றி பெறும் என எதிர்பார்க்கப்படுகிறது. பரத்துக்கு பெரிய கம்பேக் படமாக அமையும் என சொல்லப்படுகிறது.