முதல் படம் குமரிகேரளா சினிமாவில் 2022-ம் ஆண்டு ஐஷ்வர்யா லட்சுமி நடிப்பில் வெளிவந்து எல்லோரையும் தூங்க விடாமல் செய்த ஒரு தரமான திகில் சஸ்பென்ஸ் திரில்லர் படம் தான் குமரி.கேரளாவில் திருமணமாகி கணவர் வீட்டுக்கு செல்லும் நாயகியை சுற்றி அடுத்தடுத்து சில திகில் சம்பவங்கள் அரங்கேறுகின்றன.
அந்த கிராமமே மர்மங்கள் நிறைந்ததாக இருக்கிறது. அதில் இருந்து நாயகி எப்படி மீண்டு வந்தாள் என்பதுதான் இந்த படத்தின் மையக்கரு.இந்த படத்தின் மிகப்பெரிய பலமே திரைக்கதை தான். திகில் படத்துக்கு தேவையான அத்தனை அம்சங்களும் நிறைந்து பார்ப்பவர்களை திகிலூட்ட வைக்கும்.சீன் பை சீன் டிவிஸ்ட் வைத்து இந்த படத்தை மிரட்டி இருப்பார்கள். ரசிகர்கள் கொஞ்சமும் யூகிக்க முடியாத வகையில் அங்கங்கே டிவிஸ்ட் வைத்து ஆச்சரியப்படுத்தி இருப்பார்கள். பெண்களை சுற்றி கட்டமைக்கப்படும் கலாச்சார பிம்பங்களை திகில் காட்சிகளுடன் சொல்லி இருக்கும் இப்படம் கேரளாவில் அதிகரித்து வரும் பெண்களுக்கு எதிரான வன்முறைகள் குறித்து ஆழமாக பேசியுள்ளது.
குமரி படத்தை எதில் பார்க்கலாம்?
எதிர்பாராத டிவிஸ்டுடன் சேர்ந்து ஒரு வித்தியாசமான மர்மங்கள் நிறைந்த சஸ்பென்ஸ் திரில்லர் படத்தை பார்க்க விரும்புபவர்கள் நெட்பிளிக்ஸ் தளத்தில் உள்ள இந்த படத்தை தவறாமல் பார்த்து விடுங்கள். உங்களுக்கு சிறந்த திரை அனுபவம் நிச்சயம் கிடைக்கும். இரவில் பார்ப்பது பெஸ்ட் சாய்ஸ்
இரண்டாவது படம் ஆணும் பெண்ணும்
கேரளா சினிமாவில் 2021-ம் ஆண்டு பார்வதி, ஆசிஃப் அலி, சம்யுக்தா மேனன், ஜோஜு ஜார்ஜ், தர்ஷனா நடிப்பில் வெளிவந்து நல்ல வரவேற்பை பெற்ற தரமான சஸ்பென்ஸ் திரில்லர் டிராமா படம் தான் ஆணும் பெண்ணும்.கேரளாவில் மூன்று தலைமுறையை சேர்ந்த வெவ்வேறு கதைகளை அதில் ஆணுக்கும் பெண்ணுக்கும் இடையிலான உறவு முறையை ஒன்றாக சொல்லும் ஒரு ஆந்தாலஜி திரில்லர் தான் இந்த படத்தின் மையக்கரு.கேரளாவில் அதிகரித்து வரும் பெண்களுக்கு எதிரான வன்முறை மூன்று தலைமுறைகளாக பெண்கள் சந்திக்கும் பிரச்னைகள் குறித்து இந்த படம் ஆழமாக பேசியுள்ளது.இந்த படத்தின் மிகப்பெரிய பலமே திரைக்கதை தான். மூன்று வெவ்வேறு காலக்கட்டங்களில் நடந்த சம்பவங்களை திரையில் வித்தியாசமான திரைக்கதை யுக்தியில் பதிவு செய்திருப்பார்கள். இதில் வரும் சில காட்சிகள் உண்மை சம்பவங்களை அடிப்படையாக கொண்டு உருவாகி இருப்பதால் இப்படியெல்லாம் பெண்களை கொடுமை செய்தார்களா என பார்ப்போரை நடுங்க வைத்தது என்றே சொல்லலாம்.
மிஸ் பண்ணக்கூடாத மலையாள படங்கள்
ஆணும் பெண்ணும் படத்தை எதில் பார்க்கலாம்?
முற்றிலும் புதுமையான ஒரு கதைக்களத்தில் வித்தியாசமான சஸ்பென்ஸ் திரில்லர் படத்தை பார்க்க விரும்புபவர்கள் அமேசான் பிரைம் தளத்தில் உள்ள இந்த ஆந்தாலஜி படத்தை தவறாமல் பார்த்து விடுங்கள்.
கேரளா சினிமாவில் வெளியாகும் சஸ்பென்ஸ் திரில்லர் படங்களுக்கு என தனி ரசிக வட்டாரம் உள்ளனர். அதில் பலருக்கும் தெரியாத தரமான சஸ்பென்ஸ் திரில்லர் படங்கள் தான் இவை. முடிந்த வரை குழந்தைகள் உடன் பார்ப்பதை தவிர்க்கவும். இந்த வார விடுமுறை நாட்களில் இந்த 2 படங்களை பார்க்க பிளான் செய்யுங்கள். 2 படமும் ஓடிடியில் காண கிடைக்கிறது.