Jyeshta Amavasya 2026: அமாவாசை என்பது சூரியன் மற்றும் சந்திரன் ஒரே ராசியில் ஒரே நட்சத்திரத்தில் இணையும் நாளில் உருவாகும்.

ஒவ்வொரு மாத அமாவாசையும் ஒவ்வொரு சிறப்பைக் கொண்டுள்ளது. முன்னோர்களுக்கான காரியங்கள், திதி கொடுப்பது, ஆகியவற்றை செய்வது, பித்ரு தோஷம், சாபம் நீக்கும் என்பது ஐதீகம். மே மாதம் வரும் அமாவாசை தேதி, நேரம் மற்றும் இந்த அமாவாசையின் சிறப்புகள் பற்றி பார்க்கலாம்.

மே மாத அமாவாசை 2026 - May Amavasya 2026
தமிழ் பஞ்சாங்கத்தின் படி, இந்த நாள், வைகாசி மாதத்தின் முதல் நாளே அமாவாசையாகும். இது, இந்துக்களின் நாட்காட்டி படி, ஜ்யேஷ்ட மாதம் என்று அழைக்கப்படுககிறது.

Hanuman Jayanthi 2026: தெலுங்கு அனுமன் ஜெயந்தி என்றால் என்ன, எப்போது வருகிறது?

மே 2026 - அமாவாசை தேதி & நாள்

• ஜ்யேஷ்ட அமாவாசை தேதி மற்றும் நாள்: மே 16, 2026, சனிக்கிழமை
• ஜ்யேஷ்ட அமாவாசை திதி 15 மே 2026 அன்று காலை 03:58 மணிக்கு தொடங்குகிறது.
• ஜ்யேஷ்ட அமாவாசை திதி 16 மே 2026 அன்று அதிகாலை 2:09 மணிக்கு முடிவடைகிறது

இந்த அமாவாசையின் சிறப்புகள்
வைகாசி மாத அமாவாசை நாளில் சூரியன் மற்றும் சந்திரன், ரிஷப ராசியில் சஞ்சரிக்கும் காலமாகும். சனிக்கிழமை அன்று வருவதால், இந்த அமாவாசை தனிச்சிறப்பு பெற்றுள்ளது. எனவே, இது நாள் வரை சரியாக பித்ரு காரியம் செய்யாதவர்கள், இந்த அமாவாசை அன்று செய்தால், சனி தோஷமும் தீரும் என்பது நம்பிக்கை.

Agni Natchathiram Dos and Donts: கடும் வெப்பம் நிலவும் அக்னி நட்சத்திர நாட்களில், என்ன செய்யலாம், என்ன செய்யக்கூடாது? முழு பட்டியல்

மே அமாவாசை அன்று திதி கொடுக்க உகந்த நேரம்
பொதுவாக அமாவாசை அன்று திதி கொடுப்பது என்பது அதிகாலையில் அல்லது சூரிய உதயமான ஓரிரு மணி நேரங்களுக்குள் செய்வது வழக்கம். சனிக்கிழமை மே 16 அதிகாலை 4 மணி அளவில் அமாவாசை பிறக்கிறது என்பதால் சனிக்கிழமை நண்பகல் 12 மணிக்குள் அமாவாசைக்கு திதி கொடுப்பது தர்ப்பணம் செய்வது உகந்தது.
சனிக்கிழமை அன்று வரும் அமாவாசை என்பதால் ஆபத்திற்கு கண்டிப்பாக உணவளிக்க வேண்டும். காகம் சனியின் வாகனம் என்பதாலும், காகம் முன்னோர்களின் வடிவமாக கருதப்படுவதாலும், அமாவாசை மட்டுமல்லாமல் பொதுவாகவே பாகங்களுக்கு தினமும் உணவு வைக்கும் பழக்கத்தை வளர்த்துக் கொள்வது தல தோஷங்களையும் எதிர்மறை விளைவுகளையும் குறைக்கும் என்பது நம்பிக்கை.

துறப்பு: இந்த கட்டுரையில் இடம்பெறும் ஜோதிடம் மற்றும் ஆன்மீக தகவல்கள் பொதுவான நம்பிக்கைகள், பாரம்பரிய கருத்துக்கள் மற்றும் ஆன்மிக பார்வைகளை அடிப்படையாகக் கொண்டவை. இவை அறிவியல் ரீதியாக உறுதிப்படுத்தப்பட்டவை அல்ல. இதில் கூறப்படும் ராசிபலன், கிரக நிலைகள், பரிகாரங்கள் அல்லது ஆன்மீக வழிமுறைகள் ஆகியவை ஒருவரின் வாழ்க்கையில் நிகழ்வுகளை கட்டாயமாக மாற்றும் என்று உறுதி செய்ய முடியாது. இது பலருக்கும் நம்பிக்கையின் அடிப்படையில் பின்பற்றப்படும், ஆன்மீக ரீதியான கருத்துக்கள். இதில் சொல்லப்பட்டிருக்கும் கருத்துக்களுக்கு அறிவியல் தொடர்பான விளக்கம் இல்லை என்பதை தெரிவித்துக் கொள்கிறோம்.