மீனம் ராசிக்கு ஏழரை சனி மட்டுமில்ல, ராசியில் ராகு கேது பெயர்ச்சியும் பல பிரச்சனைகளை உண்டாக்கியிருக்கலாம். ஒவ்வொரு ராசிக்கும் 25 முதல் 37 ஆண்டுகளுக்கு ஒருமுறை ஏழரைச் சனி ஏற்படும். ஏழரை சனி என்பது சனி பகவான், ஒரு ராசியின் அருகில் சஞ்சரித்து, ஏழரை ஆண்டுகள் தாக்கத்தை ஏற்படுத்தும் காலத்தைக் குறிக்கும். 2025 மார்ச் 29 அன்று நடந்த சனிப்பெயர்ச்சி படி கும்ப ராசி, மீன ராசி, மற்றும் மேஷம் ராசி ஆகிய மூன்று ராசிகளுக்கு ஏழரை சனி நடக்கிறது.

இதில் கடந்த சில மாதங்களாக தொடர்ந்து பல விதமான நெருக்கடிகள் செலவுகள், உடல் உபாதைகள் குடும்பத்தில் பிரச்சனையை எதிர்கொண்டு வந்த மீனம் ராசியினருக்கு ஏழரை சனி எப்போதுதான் முடியும் என்று நிலையில் இருக்கலாம். மீனம் ராசிக்கு ஏழரை சனி எப்போது முடிகிறது?

ஜென்ம சனியின் பிடியில் உள்ள மீனம் ராசி
திருக்கணிதப் பஞ்சாங்கத்தின் படி, இப்பொழுது தான் ஜென்ம சனி அல்லது ராசியில் சனி என்ற சனிப்பெயர்ச்சி மீனம் ராசிக்கு தொடங்கியுள்ளது. மார்ச் 29 துவங்கிய ஜென்ம சனிபெயர்ச்சி, ஏழரை சனியின் இரண்டாவது காலகட்டம், ஜூன் மாதம் முதல் வாரம், 2027இல் முடிகிறது. ஜென்ம சனி காலம், ராகு கேதுவின் தாக்கம் ஆகியவை மீனம் ராசியினருக்கு தொடர்ச்சியாக நெருக்கடிகளை உண்டாக்கியிருக்கலாம். ஆனால் விரைவில் மீன ராசியினர் சனிப்பெயர்ச்சியின் தாக்கத்திலிருந்து விடுதலை பெறலாம் தரும் என்பது குறிப்பிடத்தக்கது.
நடப்பு சனிப்பெயர்ச்சியில் கும்பம் ராசிக்கு தான் ஏழரை சனி முடியும், மீனம் ராசிக்கு இன்னும் நான்கு ஆண்டுகள் ஏழரைச்சனி நடக்கும்.
ஏழரை சனியின் ஜென்ம சனி காலத்தில் மீனம் ராசிக்கு என்ன நடக்கும்?
ஏழரைச் சனி காலகட்டத்தில் ஒருவிதமான நெருக்கடிகள், தடைகள், ஏற்படுமே தவிர, இளம் வயதில் இருப்பவர்கள், நடுத்தர வயதில் இருப்பவர்களுக்கு வாழ்க்கையில் முன்னேற்றத்திற்கான பல பாதைகள் அமையும். 20 களில் 30 களில் இருக்கும் மீன ராசியினருக்கு நல்ல வேலை, வேலையில் நிலைத்தன்மை, திருமணம், உள்ளிட்டவை நடந்திருக்கும் அல்லது அடுத்த இரண்டு ஆண்டுகளுக்குள் நடக்கும் சாத்தியம் உள்ளது.

வேலை சார்ந்த நெருக்கடிகள் அழுத்தங்கள், குடும்பத்தில் பதட்டமான நிலை ஆகியவை இருந்தால் கூட இவை அனைத்துமே உங்களை மேம்படுவதற்காகவே இருக்கும்.

மற்ற ராசிகள் ஏழரைச் சனியில் பாதிக்கப்பட்டது போலவே, மீன ராசியினருக்கு உச்ச குருவின் பார்வை கிடைப்பதால் பெரிய அளவுக்கு பாதிப்புகள் உண்டாகாது. தற்பொழுது நடக்கவிருக்கும் குரு அதிசார பெயர்ச்சியில் , மீன ராசியை குருபகவான் பார்ப்பதால் ஜென்ம சனியின் தாக்கம் முழுவதுமாக விலகும். இதே போல, 2026 குரு பெயர்ச்சி ஓராண்டு காலம் முழுவதுமே, அதாவது 2027 வரை, உச்சமடைந்த குருவின் பார்வை மீன ராசியில் பதிவால் ஜென்ம சனியின் தாக்கம் எதிர்மறையாக இருக்காது என்பது குறிப்பிடத்தக்கது.

Disclaimer: இந்தப்பதிவு ஆன்மீக மற்றும் ஜோதிட நம்பிக்கைகளின் படி எழுதப்பட்டதாகும். இதில் சொல்லப்பட்டிருக்கும் கருத்துக்களுக்கு அறிவியல் தொடர்பான விளக்கம் இல்லை என்பதை தெரிவித்துக் கொள்கிறோம்.