தமிழ் சினிமாவின் சூப்பர் ஸ்டார் ரஜினிகாந்த் சமீபத்தில் விமான நிலையத்தில் செய்தியாளர்களை சந்தித்த போது கூறிய சில கருத்துகள் தற்போது சமூக வலைதளங்களில் பெரிய விவாதத்தை ஏற்படுத்தியுள்ளது.

குறிப்பாக அவர் "No comments" என கூறிய ஒரு பதிலும், இளைஞர்களுக்கு வழங்கிய அறிவுரையும் அதிக கவனத்தை ஈர்த்துள்ளது.

சந்திப்பின் போது, "ஜனநாயகன்" திரைப்படம் வெளியாவதில் ஏற்பட்ட தாமதம் குறித்து செய்தியாளர்கள் கேள்வி எழுப்பினர். ஆனால் அதற்கு ரஜினிகாந்த் விரிவான பதில் அளிக்காமல், "இதுபற்றி நான் பேச விரும்பவில்லை" என்று சுருக்கமாக கூறி விட்டார். பொதுவாக தனது கருத்துகளை வெளிப்படையாக பகிரும் ரஜினி இந்த முறை அமைதியாக இருந்தது பலரிடையே கேள்விகளை எழுப்பியுள்ளது.

இதற்குப் பிறகு, இளைஞர்களின் ரசிகர் மனோபாவம் குறித்து கேள்வி எழுந்தது. நடிகர்களை பார்க்கவேண்டுமென்று ஆபத்தான சூழ்நிலைகளிலும் பின்தொடர்வது போன்ற சம்பவங்கள் குறித்து உங்கள் கருத்து என்ன என கேட்கப்பட்டது. இதற்கு பதிலளித்த ரஜினிகாந்த், மிகவும் தெளிவான மற்றும் நேர்மையான ஆலோசனைகளை பகிர்ந்தார். "முதலில் இளைஞர்கள் தங்களுடைய வாழ்க்கையை முக்கியமாக எடுத்துக் கொள்ள வேண்டும். குடும்பம், பாதுகாப்பு, கல்வி ஆகியவற்றில் கவனம் செலுத்த வேண்டும். மது, கஞ்சா போன்ற பழக்கங்களில் ஈடுபடாமல் இருக்க வேண்டும். தவறான நண்பர்கள் இருந்தால் அவர்களிடம் இருந்து விலக வேண்டும்" என்று அவர் கூறினார். அவரது இந்த வார்த்தைகள் பலரால் பாராட்டப்பட்டாலும், சிலரால் விமர்சனத்திற்கும் உள்ளாகியுள்ளது.

ஒருபுறம், "இது இன்றைய இளைஞர்களுக்கு மிகவும் தேவையான அறிவுரை" என்று பலர் சமூக வலைதளங்களில் பாராட்டுகின்றனர். மறுபுறம், "ரசிகர்களே அவரை இந்த உயரத்திற்கு கொண்டு வந்தவர்கள்; அவர்களுக்கே இப்படிப் பேசுவது சரியா?" என்று சிலர் கேள்வி எழுப்பியுள்ளனர். மேலும், இந்த கருத்து குறிப்பாக ரஜினி ரசிகர்களுக்காகத்தானா என்று சிலர் சந்தேகம் வெளியிட்டுள்ளனர்.

- தமிழ்நாட்டின் பணக்கார வேட்பாளர் இவர்தான்.. அதிமுக லீமா ரோஸ் ஒட்டுமொத்த சொத்து மதிப்பு எவ்வளவு தெரியுமா?
ஏனெனில், ரஜினியை பார்க்க ரசிகர்கள் இன்னும் பெருமளவில் கூடும் நிலை தொடர்கிறது. இந்த பின்னணியில் அவர் கூறிய இந்த ஆலோசனை கூடுதல் விவாதத்தை தூண்டியுள்ளது. இதோடு, இந்த விவகாரம் அரசியல் கோணத்திலும் பேசப்படுகிறது. சிலர், இந்த கருத்து நடிகர் விஜயை குறிவைத்து கூறப்பட்டது என சமூக வலைதளங்களில் பதிவுகள் வெளியிட்டு வருகின்றனர். ஏற்கனவே ரசிகர்கள் இடையே ஒப்பீடுகள் மற்றும் விவாதங்கள் நடைபெற்று வரும் நிலையில், இந்த சம்பவம் அதனை மேலும் தீவிரப்படுத்தியுள்ளது.

சமீபத்தில் விஜய் தொடர்பான சில அரசியல் கருத்துகளும், அதற்கு ரஜினி அளித்த மறுப்பும் இந்த விவாதத்தை மேலும் சூடுபிடிக்கச் செய்துள்ளது. இந்நிலையில், ஒரு சாதாரண விமான நிலைய சந்திப்பு கூட சினிமா, அரசியல் மற்றும் ரசிகர் கலாச்சாரம் ஆகிய மூன்றையும் இணைக்கும் பெரிய பேசுபொருளாக மாறியுள்ளது. மொத்தத்தில், ரஜினிகாந்த் கூறிய சில வார்த்தைகள் சமூக வலைதளங்களில் தொடர்ந்து வைரலாகி வருகின்றன. அவர் மௌனம் காத்த விஷயமும், வெளிப்படையாக கூறிய ஆலோசனையும் இணைந்து ரசிகர்கள் மத்தியில் புதிய சர்ச்சையை உருவாக்கியுள்ளது.