குறிப்பாக சீமான் தலைமையிலான நாம் தமிழர் கட்சி (நாதக) வேட்பாளர்களின் சொத்து மதிப்பு தற்போது கவனம் ஈர்த்துள்ளது. தமிழ்நாட்டின் 234 சட்டமன்றத் தொகுதிகளுக்கும் வரும் ஏப்ரல் 23ஆம் தேதி ஒரே கட்டமாக வாக்குப்பதிவு நடைபெற உள்ளது. இதற்கான வேட்புமனு தாக்கல் இறுதி நாள் நிறைவடைந்துள்ள நிலையில், வேட்பாளர்கள் தாக்கல் செய்துள்ள பிரமாணப் பத்திரங்களில் இடம்பெற்றுள்ள சொத்து விவரங்கள் வெளியே வந்து அரசியல் வட்டாரத்தில் விவாதத்தை ஏற்படுத்தியுள்ளது.

அந்த வகையில், காரைக்குடி தொகுதியில் போட்டியிடும் சீமான் தனது சொத்து விவரங்களை வெளிப்படுத்தியுள்ளார். அவர் தாக்கல் செய்துள்ள தகவலின்படி, கையிருப்பாக ரூ.50,000 உள்ளது. மேலும், சுமார் ரூ.39 லட்சம் மதிப்பிலான அசையும் சொத்துகள் உள்ளதாக குறிப்பிடப்பட்டுள்ளது. இதனுடன் 150 கிராம் தங்கம் இருப்பதாகவும் தெரிவித்துள்ளார். அதே நேரத்தில், வங்கியில் ரூ.5.11 லட்சம் கடன் இருப்பதாகவும் கூறியுள்ளார்.

- சென்னையில் இன்று தவெக விஜய்யின் பிரச்சாரம் திடீர் ரத்து.. இதுதான் காரணம்.. தொண்டர்கள் அதிர்ச்சி!
அதேபோல், நாகப்பட்டினம் தொகுதியில் போட்டியிடும் இடும்பாவனம் கார்த்தி தனது சொத்து விவரங்களில் மிக எளிய நிலையை வெளிப்படுத்தியுள்ளார். அவரது கையில் ரூ.30,000 மட்டுமே உள்ளதாகவும், வங்கிக் கணக்குகளில் முறையே ரூ.16,084 மற்றும் ரூ.51,237 இருப்பதாகவும் தெரிவித்துள்ளார். முக்கியமாக, தங்கம், வாகனம், வீடு அல்லது நிலம் போன்ற எந்த அசையா சொத்துகளும் தன்னிடம் இல்லை என்று அவர் குறிப்பிட்டுள்ளார்.