தமிழகத்தில் நாமக்கல், கரூர், சேலம், திருச்சி, தேனி, தென்காசி, நெல்லை, குமரி உள்ளிட்ட மாவட்டங்களில் மழை பதிவாகியுள்ளது.

ஏனைய தமிழகம், புதுவை மற்றும் காரைக்கால் பகுதிகளில் வறண்ட வானிலையே (Tamil Nadu Weather) நிலவியது.

அதேவேளை, கடந்த 24 மணி நேரத்தில் தமிழகத்தின் ஒருசில இடங்களில் அதிகபட்ச வெப்பநிலை 2-3 டிகிரி செல்சியஸ் உயர்ந்தும், ஏனை இடங்களில் இயல்பை ஒட்டியும் காணப்பட்டது. நேற்றைய தினம் தமிழகத்தில் சென்னை, திருச்சி உள்ளிட்ட 9 இடங்களில் வெயில் 100 டிகிரியை தாண்டி சதமடித்துள்ளது. நேற்று அதிகபட்சமாக வேலூரில் 103.64 டிகிரி பாரன்ஹீட் வெப்பம் பதிவாகியுள்ளது.

தமிழகத்தில் எங்கெல்லாம் கனமழை

இந்நிலையில், தமிழ்நாட்டின் லேட்டஸ்ட் வானிலை நிலவரம் தொடர்பாக வானிலை ஆய்வு மையம் வெளியிட்டுள்ள அறிக்கையில் கூறியதாவது, "சுமார் 0.9 கிமீ உயரத்தில் விதர்பா முதல் குமரிக்கடல் வரை தெலங்கானா, ராயலசீமா மற்றும் உள் தமிழ்நாடு வழியாக ஒரு வளிமண்டல காற்றழுத்த தாழ்வு பாதை (Trough) நிலவுகிறது.

இதன் காரணமாக இன்று (மே 5) அன்று தேனி, திண்டுக்கல், கரூர், திருச்சி, நாமக்கல், ஈரோடு மற்றும் நீலகிரி ஆகிய மாவட்டங்களில் இடி, மின்னலுடன் கூடிய கனமழைக்கு வாய்ப்புள்ளது. ஏனைய ஒருசில இடங்களில் லேசானது முதல் மிதமான மழை பெய்யக்கூடும்.

மே 6 அன்று நீலகிரி, கோயம்புத்தூர், நீலகிரி, திருப்பூர், தேனி, தென்காசி, நெல்லை மற்றும் மற்றும் கன்னியாகுமரி ஆகிய மாவட்டங்களில் கனமழைக்கு வாய்ப்புள்ளது.

மே 7 அன்று கோவை, நீலகிரி, திருப்பூர், தேனி, தென்காசி, நெல்லை, குமரி, கிருஷ்ணகிரி, தருமபுரி மற்றும் ஈரோடு ஆகிய மாவட்டங்களில் கனமழைக்கு வாய்ப்புள்ளது. வரும் மே 10ம் தேதி வரை தமிழகத்தில் கனமழை தொடரும்.

: முதல் தேர்தலில் நாடே திரும்பி பார்க்கும் வெற்றி.. விஜயின் தவெகவுக்கு பிரதமர் மோடி, ராகுல் காந்தி உள்ளிட்டோர் வாழ்த்து!

மே 8 அன்று நீலகிரி, கோவை, ஈரோடு, திருப்பூர், திண்டுக்கல், தேனி, மதுரை, விருதுநகர், தென்காசி, குமரி, நெல்லை, தூத்துக்குடி, ராமநாதபுரம், சிவகங்கை மற்றும் புதுக்கோட்டை ஆகிய மாவட்டங்களில் கனமழைக்கு வாய்ப்புள்ளது.

வெப்பநிலை மாற்றத்தின் தாக்கம்

தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை, இயல்பை விட 2-3 செல்சியஸ் இயல்பை விட அதிகமாக படிப்படியாக உயரக்கூடும் (Heat Wave Alert). ஏனைய தமிழகம், புதுவை மற்றும் காரைக்கால் பகுதிகளில் இயல்பை ஒட்டியும் இருக்கக்கூடும்.

: சக்தியை மீறி உழைத்தேன்.. சிறந்த எதிர்க்கட்சியாக திமுக செயல்படும்.. மு.க.ஸ்டாலின் பதிவு!
சென்னை வானிலை நிலவரம் (Chennai Weather): சென்னை மற்றும் புறநகர் பகுதிகளை பொருத்தவரை இன்று (மே 3) வானம் ஓரளவு மேகமூட்டத்துடன் காணப்படும். நகரில் அதிகபட்ச வெப்பநிலை 39-40 டிகிரி செல்சியஸை ஒட்டியும், குறைந்தபட்ச வெப்பநிலை 27-28 டிகிரி செல்சியஸை ஒட்டியும் இருக்கக்கூடும். ஒருசில இடங்களில் இடி, மின்னலுடன் கூடிய லேசானது முதல் மிதமான மழைக்கு வாய்ப்புள்ளது.

மீனவர்களுக்கு எச்சரிக்கை
வரும் மே 8ம் தேதி வரை மீனவர்களுக்கு எந்த எச்சரிக்கையும் வழங்கப்படவில்லை. எனவே, அவர்கள் வழக்கம் போல கடலுக்கு செல்லலாம்.