இதன் காரணமாக முழு வீச்சில் விஜய் பிரச்சாரத்தில் ஈடுபட்டு வருகிறார். இவர் செல்லும் திசை எல்லாம் இவருடைய கட்சி பாடலான "உங்க விஜய் உங்க விஜய்.. உயிரென வர்றேன் நான்" என்ற பாடல் ஒலித்த வண்ணம் உள்ளது.

பரப்புரைக்கு விஜய் வரும்போது, அவரை வரவேற்க இந்த தீம் பாடல் ஒலிக்கப்பட்டு வருகிறது. "மக்கள் மன்னரே.. அன்பான அண்ணனே.. விழா வீரனே.. பெரியாரின் பேரனே.." என்று தொடங்கும் அந்த பாடல், ரசிகர்களின் உணர்வுகளை நேரடியாக தொடும் வகையில் அமைந்திருந்தது. குறிப்பாக "உங்க விஜய்.. உங்க விஜய்.. உயிரென வர்றேன் நான்" என்ற வரிகள், அவரை சூழ்ந்திருக்கும் தொண்டர்களை உற்சாகத்தில் மூழ்க வைக்கிறது.

"தமிழன் கொடி.. தலைவன் கொடி பறக்குது"

இந்த பாடலை முன்னணி பாடலாசிரியர் விவேக் எழுதியுள்ளார். கடந்த 2024-ம் ஆண்டு நடைபெற்ற முதல் மாநாட்டில் "தமிழன் கொடி.. தலைவன் கொடி பறக்குது" என்ற தீம் பாடல் வெளியாகி பெரும் வரவேற்பைப் பெற்றது. அதே போல, கடந்த ஆண்டு வெளியான இந்த பாடல் தவெக தொண்டர்களிடையே உற்சாகத்தை அதிகரித்துள்ளது. தற்போது, இந்த பாடல் தவெக அதிகாரப்பூர்வ யூடியூப் சேனலில் உள்ளது. வெளியான சில மணி நேரங்களிலேயே லட்சக்கணக்கான பார்வைகளை பெற்ற இந்த பாடல், சமூக வலைதளங்களில் தொடர்ந்து டிரெண்டிங்கில் உள்ளது. ரசிகர்கள் இந்த பாடலை மீண்டும் மீண்டும் பகிர்ந்து வருகின்றனர்.

- வெற்றி தமிழ்நாடு App முதல் மீனவ நண்பன் வரை.. குமரியில் வாக்குறுதிகளை வெளியிட்ட விஜய்!
அரசியல் களத்தில் விஜய்யின் பயணம் தற்போது புதிய கட்டத்தை எட்டியுள்ளது. சினிமா ரசிகர்களை தாண்டி, பொதுமக்களிடையே தனது ஆதரவை பெருக்கிக் கொண்டிருக்கும் நிலையில், இத்தகைய பாடல்கள் மற்றும் நிகழ்ச்சிகள் அவரது அரசியல் பிரச்சாரத்திற்கு கூடுதல் பலமாக அமைந்துள்ளன.
மொத்தத்தில், "உங்க விஜய்.. உயிரென வர்றேன் நான்" பாடல், ஒரு சாதாரண பாடலாக இல்லாமல், விஜய்யின் அரசியல் பயணத்தில் முக்கியமான அடையாளமாக மாறியுள்ளது. இது அவரது ரசிகர்களுக்கும் தொண்டர்களுக்கும் ஒரு உணர்ச்சி மிக்க இணைப்பாகவும் பார்க்கப்படுகிறது.

பாடல் வரிகள்:

மக்கள் மன்னனே.. அன்பான அண்ணனே

விழாவீரனே..பெரியாரின் பேரனே

மன்னா.. மன்னா..

எங்கள் உரிமை காவலா..

நேத்து வர தளபதி.. இன்று முதல் மாறும் விதி

மக்கள் மன்னன்.. ஆள வர்றான் நெருப்பா.

கோடி மக்கள் உசந்திட.. கோடிகள ஒதறிட்டு

அண்ணன் வர்றான் அதுவர பொறுப்பா.

வந்தாங்க சில பேரு காலம் வெல்லும் புயலப்போல

வந்தாலே வரலாறு அவங்கபோல இவனும் வெல்ல

விதி ஒண்ணு உருவாகும் இவன் பேரு உயிராகும்

இவனோட பெருங்கூட்டம் ஒறவாக பயங்காட்டும்

தமிழ்நாடே ஆடிப்போகும் ஆட்டம்போடும்

தீர்ப்பு வரும்

உங்க விஜய்.. உங்க விஜய்.. உயிரென வர்றேன் நான்.

உங்க விஜய்.. உங்க விஜய்.. எளியவன் குரல் நான்

அண்ணான்னு அன்போடு அழைச்சாலே வருவான்

கேக்காம குறையெல்லாம் நிறையாக்கி தருவான்

தொண்டர்கள் தலைவர்கள் ஆகத்தான் நினைப்பான்

சொல்லோட நிக்காதா செயல் வீரன் இவன் தான்

சாதி என்னும் சக்கட இங்க ஆறா மாறி கெடக்குது புள்ள

போதாதுன்னு மதத்த திணிக்கும் மதவாதம் ஏறுது மெல்ல

சாட்டையோட வாறானே..நாட்டை வெல்ல போறானே.

சிங்கம் எங்கும் வாலாட்டி கெடக்காது

மண்ணில் வந்த எல்லாமே ஒத்த உயிர் என்பானே

மேடை ஏறி கர்ஜிப்பான் மறக்காது

வேஷங்கள் தெரியாத இயல்பான தலைவன் தான்

நேர்மைக்கும் நெருப்புக்கும் உருவான தமிழான் தான்

தமிழ்நாடே ஆடிப்போகும் தீர்ப்பு ஒண்ணு நாளை வரும்.

உங்க விஜய்.. உங்க விஜய்.. உயிரென வர்றேன் நான்.

உங்க விஜய்.. உங்க விஜய்.. எளியவன் குரல் நான்

உங்க விஜய் உங்க விஜய்..எளியவன் குரல் நான்

உங்க விஜய் உங்க விஜய்..தனி ஆள் இல்ல கடல் நான்

மக்கள் தானே மன்னர்களே உனக்கு காட்ட வர்றேன் நான்.

Listen Unga Vijay Naan Varen Song (TVK Vijay) - Lyrics