2024, பிப்ரவரியில் கட்சியை தொடங்கிய விஜய் அடுத்த 2 ஆண்டுகளில் 2026 சட்டமன்றத் தேர்தலில் தனித்து களமிறங்கி 108 இடங்களை கைப்பற்றி தமிழக அரசியலையே புரட்டிப் போடும் மாற்றத்தை ஏற்படுத்தி இருக்கிறது. "234 சட்டமன்றத் தொகுதிகளிலும் இந்த விஜய் தான் போட்டியிடுகிறேன் என எண்ணி தவெக வேட்பாளர்களுக்கு வாக்களியுங்கள்" என ஒவ்வொரு பிரச்சார மேடைகளிலும் முழங்கினார். விஜய்யின் முழக்கம் எந்த அளவுக்கு தேர்தலில் எதிரொலித்து என்பதை மே-4 வாக்கு எண்ணிக்கையின் போதே தெரிந்தது.

2024-ல் விஜய் கட்சி ஆரம்பித்ததும் முதலில் அவர் செய்த வேலை. தவெக உறுப்பினர் சேர்க்கை MY TVK என்ற அப்ளிக்கேஷன் மூலம் ஆன்லைனில் உறுப்பினர் சேர்க்கையை தொடங்கினார். இளைஞர்கள், பெண்கள் என தவெகவில் தங்களை உறுப்பினர்களாக பதிவு செய்துக்கொண்டனர். 2 கோடி உறுப்பினர்களை இலக்கு வைத்திருப்பதாக தவெக தரப்பில் சொல்லப்பட்டது. 2024 நாடாளுமன்றத் தேர்தல் இலக்கு அல்ல, 2026 சட்டமன்றத் தேர்தல் தான் எங்களது இலக்கு என 2026 சட்டமன்றத் தேர்தலை டார்க்கெட் செய்தது தவெக.

பெண் வாக்காளர்களை குறிவைத்த கட்சிகள்:
நடந்து முடிந்த சட்டமன்றத் தேர்தலின் போது ஆளுங்கட்சியாக இருந்த திமுகவும், எதிர்க்கட்சியான அதிமுகவும் பெண்களை குறிவைத்து அள்ளிவீசினர். திராவிட முன்னேற்றக் கழகம் பெண்கள் உபகரணங்கள் வாங்க 8,000 ரூபாய் கூப்பன்கள்.ஒரு வாஷிங் மெஷின், ஒரு குளிர்சாதனப் பெட்டி, ஒரு மிக்ஸி மற்றும் ஒரு இன்டக்ஷன் ஸ்டவ். ஏற்கனவே மகளிர் உரிமைத் தொகை திட்டத்தின் கீழ் மாதந்தோறும் 1,000 ரூபாய் வழங்கி வருகிறது.

: தவெக அமைச்சரவை உத்தேச பட்டியல்.. விஜயின் 20 பேர் டீம்.. மே 7-ல் தமிழக முதல்வராக விஜய் பதவியேற்பு?

அதிமுகவோ, திமுக வழங்கும் தொகையை விட இரண்டு மடங்கு அதிகமாக மாதந்தோறும் 2,000 ரூபாய் வழங்குவோம். மேலும் ஒரு இலவச குளிர்சாதனப் பெட்டி, வருடத்திற்கு மூன்று இலவச எல்பிஜி சிலிண்டர்கள் மற்றும் குடும்பத்தின் ஆண்களுக்கு இலவச பேருந்து பயணம் என்று செக் வைத்தது.

தவெக தேர்தல் வாக்குறுதியில் குடும்பத் தலைவிகளுக்கு மாதம் ரூ.2,500, 6 விலையில்லா சிலிண்டர்கள், மணப்பெண்களுக்கு 1 சவரன் தங்கம் பட்டுச்சேலை, பிறக்கும் குழந்தைகளுக்கு தங்க மோதிரம், மாணவர்களின், மகளிர் குழுக்களுக்கு ரூ. 5 லட்சம் வட்டியில்லா கடன் என வாக்குறுதிகளை அள்ளி வீசினர்.

குடும்ப தலைவிகளுக்கு இன்ப அதிர்ச்சி கொடுத்த திமுக:
தமிழ்நாட்டிலுள்ள 1.31 கோடி மகளிர் உரிமைத் திட்டப் பயனாளிகளின் வங்கிக் கணக்குகளில் பிப்ரவரி 13-ம் தேதி காலையில், ரூ.5000 மகளிர் உரிமைத் தொகை வரவு வைக்கப்பட்டது. திடீரென வங்கி கணக்கில் 5000 வந்ததால் மக்கள் குழப்பத்தில் ஆழ்ந்தனர். "தேர்தலை காரணம் காட்டி அடுத்த மூன்று மாதங்களுக்கு மகளிர் உரிமைத் தொகையை நிறுத்தி வைப்பதற்கான முயற்சிகள் நடப்பதாகக் கூறிய அப்போதைய முதல்வர் ஸ்டாலின், பிப்ரவரி மாத உரிமைத் தொகை, மார்ச் மற்றும் ஏப்ரல் மாதங்களுக்கான முன்கூட்டிய தொகை மற்றும் கோடைக்கால சிறப்பு உதவியாக வழங்கப்பட்டுள்ளது" என்று விளக்கம் அளித்தார்.


: தமிழக சட்டமன்ற தேர்தலில் அதிக - குறைந்த வாக்கு வித்தியாசத்தில் வெற்றி பெற்ற டாப்-10 வேட்பாளர்கள் யார்?

பேச்சுவார்த்தையில் தவெக:

ஆட்சியமைக்க 118 இடங்கள் தேவை என்ற நிலையில் விஜய்யின் தமிழக வெற்றிக்கழகம் 108 இடங்களை கைப்பற்றி உள்ளது. பெரும்பான்மையை எட்ட இன்னும் சில கட்சிகளின் ஆதரவு அவசியமாகியுள்ளது. இந்த சூழலில், பிற கட்சிகளின் ஆதரவை பெறும் முயற்சிகள் தீவிரமாக நடைபெற்று வருவதாக தகவல்கள் வெளியாகியுள்ளன. குறிப்பாக அதிமுக, காங்கிரஸ், இடதுசாரி கட்சிகள் மற்றும் பிற பிராந்திய கட்சிகளின் ஆதரவு குறித்து ஆலோசனைகள் நடைபெறுகின்றன.

இந்தநிலையில், தமிழக வெற்றிக் கழகம் தமிழ்நாட்டின் பொறுப்பு ஆளுநர் ராஜேந்திர விஸ்வநாத் அர்லேகருக்கு மின்னஞ்சல் வாயிலாகக் கடிதம் எழுதப்பட்டுள்ளதாகச் செய்திகள் வெளியாகியுள்ளது. அந்த கடிதத்தில் தமிழக வெற்றிக் கழகத்தை ஆட்சி அமைக்க அழைப்பு விடுக்க கோரியுள்ளனர். மேலும், 2 வாரங்களில் தாங்கள் பெரும்பான்மையை நிரூபிக்கக் கால அவகாசம் வழங்குமாரும் கடிதத்தில் குறிப்பிட்டுள்ளனர்.

விஜய் தமிழக முதலமைச்சராக பொறுப்பேற்றதும் போடும் முதல் கையெழுத்து எதுவாக இருக்கும் என்ற விவாதம் தொடங்கியுள்ளது. பலரும் மகளிர் உரிமைத் தொகை குறித்த அறிவிப்புகள் தான் அவர் போடும் முதல் கையெழுத்தாக இருக்கும் என பேசி வருகின்றனர். திமுக 2021-ல் கொடுத்த தேர்தல் வாக்குறுதியான ரூ.1000 மகளிர் உரிமைத் தொகையை ஆட்சிக்கு வந்ததும் நிறைவேற்றியது. இந்த தொகை உயர்த்தி வழங்கப்படும் என விஜய் தனது தேர்தல் வாக்குறுதியில் தெரிவித்திருந்தார். அதன்படி தவெக ஆட்சிக்கு வந்தால் குடும்பத் தலைவிகளுக்கு மாதம் ரூ.2,500 வழங்கப்படும் என தெரிவிக்கப்பட்டிருந்தது.

திமுக அரசில் மகளிர் உரிமைத் தொகை பொதுவாக ஒவ்வொரு மாதமும் 15-ம் தேதிக்கு முன்னரோ அல்லது அந்த தேதியிலோ வரவு வைக்கப்படும். தமிழக வெற்றிக்கழகம் பெரும்பான்மையை நிரூபித்து ஆட்சியமைக்க இப்போது மற்ற கட்சிகளுடன் பேச்சுவார்த்தை நடத்தி வருகிறது. இந்த பேச்சுவார்த்தைகள் முடிந்த கட்சிகள் ஆதரவு கிடைத்தும் ஆளுநர் முன்னிலை விஜய் தமிழ்நாடு முதலமைச்சராக பதவியேற்பார். தற்போது அரசியல் களநிலவரப்படி திரைமறைவில் பல்வேறு கட்சிகளுடன் பேச்சுவார்த்தை நடப்பதாக தகவல்கள் கிடைக்கின்றன. இந்த தேர்தலில் 3-ம் இடம் பிடித்துள்ள அதிமுகவுடன் பேச்சுவார்த்தை நடந்து வருகிறது. இந்த தகவலை லால்குடியில் வெற்றிப்பெற்ற அதிமுக வேட்பாளர் லீமா ரோஸ் நேற்று செய்தியாளர்களிடம் உறுதிப்படுத்தினார்...... சரி தவெக ஆட்சி அமைத்தால் தமிழ்நாடு முதலமைச்சராக விஜய் போடும் முதல் கையெழுத்து என்னவாக இருக்கும் என நீங்க நினைக்கிறீங்க..