குறைந்த ஓட்டுகள் வித்தியாசத்தில் வெற்றி பெற்ற டாப் 10 வேட்பாளர்கள் விபரம் பின்வருமாறு:

1. போஜராஜன் (பாஜ)- ஊட்டி-976 2. ஜெகநாத் மிஸ்ரா (தவெக) - கம்பம்- 751 3. வன்னி அரசு (விசிக)- திண்டிவனம்- 734 4. ரவிமனோகரன் ( (அதிமுக)- பழநி-693 5. சேகர் (அதிமுக)- பரமத்தி வேலூர்- 308 6. பழனிசாமி (அதிமுக)- திருக்கோவிலூர்- 285 7. அபிஷேக் (தவெக)- போளூர்-227 8. தளவாய் சுந்தரம் (அதிமுக)-கன்னியாகுமரி-214 9. சீனிவாசன் (திமுக)-வேப்பஹள்ளி- 138 10.சீனிவாச சேதுபதி (தவெக)- திருப்பதூர்-1

சிவகங்கை மாவட்டத்தின் திருப்பத்தூர் தொகுதியில் போட்டியிட்ட திராவிட முன்னேற்றக் கழகத்தின் (திமுக) முன்னாள் கூட்டுறவு அமைச்சர் கே ஆர் பெரியகருப்பன், ஒரே ஒரு வாக்கு வித்தியாசத்தில் தோல்வியைத் தழுவியிருக்கிறார். அவர் பெற்ற வாக்குகள் 83,374. அவரை எதிர்த்துப் போட்டியிட்ட தமிழக வெற்றிக் கழகத்தின் (தவெக) வேட்பாளர் திரு சீனிவாச சேதுபதிக்குக் கிடைத்த வாக்குகள் 83,375.

வாக்குகள் எண்ணப்பட்டபோது, இறுதிச்சுற்றின் தொடக்கத்தில் இருவருக்கும் இடையே 30 வாக்குகள் வித்தியாசம் இருந்தது. திரு பெரியகருப்பன் முன்னிலையில் இருந்தார். அதுவரை, தவெக 107 இடங்களில் முன்னிலையில் இருப்பதாக அல்லது வென்றதாகக் கூறப்பட்டிருந்தது. ஆனால் இறுதிச்சுற்று முடிவடைந்த நிலையில் ஒரு வாக்கு அதிகம் பெற்று வரலாறு படைத்தார் திரு சீனிவாச சேதுபதி. அவரின் வெற்றியைத் தொடர்ந்து தவெகவுக்கு 108 இடங்கள் கிடைப்பது உறுதியானது.