தமிழகத்தில் சட்டமன்ற தேர்தல் தேதி அறிவிக்கப்பட்டு வருகிற ஏப்ரல் 23- ஆம் தேதி ( வியாழக்கிழமை) தேர்தல் நடைபெற உள்ளது.
எடப்பாடி கே.பழனிசாமியின் சொத்து மதிப்பு
இதனால், 4 நாட்கள் மட்டுமே அரசு வேலை நாட்கள் ஆக கணக்கில் எடுத்துக் கொள்ளப்பட்டு வேட்பு மனுக்கள் பெறப்பட்டு வந்தன. அந்த வகையில் வேட்பு மனு தாக்களுக்கு கடைசி தேதியான இன்று ஏப்ரல் 6- ஆம் தேதி ( திங்கள்கிழமை) அதிமுக பொதுச் செயலாளர் எடப்பாடி கே. பழனிசாமி தான் போட்டியிடக்கூடிய எடப்பாடி சட்டமன்ற தொகுதியில் வேட்பு மனுவை தாக்கல் செய்தார். இந்த மனுவில் அவரது சொத்து மதிப்பு ஆகியவற்றை குறிப்பிட்டுள்ளார். இதில், எடப்பாடி பழனிசாமியின் பெயரில் எந்த விதமான விவசாய நிலங்களும் இல்லை எனவும், அசையும் சொத்து ரூ.50 லட்சம் மற்றும் அசையா சொத்து எதுவும் இல்லை என்று குறிப்பிட்டுள்ளார். Meyyanathan Siva V Tamil Nadu Election: ஆலங்குடி தொகுதியை தக்க வைத்து அமைச்சரவையில் இடம் பிடிப்பாரா சிவ வீ.மெய்யநாதன்!எடப்பாடி மனைவி பெயரில் ரூ.5.61 கோடி சொத்து
இதே போல, அவரது மனைவி ராதா பெயரில் ரூ.3.45 கோடி அசையா சொத்துகளும், ரூ.2.16 கோடியில் அசையும் சொத்துகளும் இருப்பதாக அவரது வேட்பு மனுவில் தெரிவிக்கப்பட்டுள்ளது. தேர்தலில் போட்டியிடும் வேட்பாளர்கள் அனைவரும் தங்கள் பெயர் மற்றும் குடும்ப உறுப்பினர்களின் பெயர்களில் உள்ள சொத்துக்கள் விவரங்களை வேட்பு மனுக்களில் குறிப்பிட வேண்டும் என்பது நடைமுறையாகும். அதன் அடிப்படையில், திமுக தலைவர் மு. க. ஸ்டாலின், தமிழக வெற்றி கழக தலைவர் விஜய், நாம் தமிழர் கட்சி தலைமை ஒருங்கிணைப்பாளர் சீமான் உள்ளிட்ட அரசியல் கட்சிகளின் சொத்து விவரங்கள் வெளியாகி இருந்தன.மற்ற கட்சி தலைவர்களுடன் ஒப்பிடுகையில்...
அந்த வகையில் தற்போது அதிமுக பொதுச் செயலாளர் எடப்பாடி கே. பழனிசாமியின் சொத்து மதிப்பு வெளியாகி உள்ளது. இதில், மற்ற அரசியல் கட்சிகளின் தலைவர்களுடன் ஒப்பிடுகையில் எடப்பாடி கே. பழனிசாமி பெயரில் உள்ள சொத்துக்களை மதிப்பு குறைவாக உள்ளதாக கூறப்படுகிறது. A.Arunmozhi Thevan Tamil Nadu Election: புவனகிரி தொகுதியில் மீண்டும் எம்எல்ஏ-வாக வலம் வருவாரா அருண்மொழிதேவன்!