ஐபிஎல் 2026 சீசனில்(IPL 2026) தொடர்ச்சியாக 3 தோல்விகளைச் சந்தித்த பிறகு, சென்னை சூப்பர் கிங்ஸ் அணி பெரும் சிரமங்களைச் சந்தித்து வருகிறது.
சென்னை சூப்பர் கிங்ஸ் அணி(Chennai Super Kings) ராஜஸ்தான் ராயல்ஸ், பஞ்சாப் கிங்ஸ் மற்றும் ராயல் சேலஞ்சர்ஸ் பெங்களூரு அணிகளிடம் தோல்வியடைந்துள்ளது. ருதுராஜ் கெய்க்வாட் தலைமையிலான சிஎஸ்கே அணி ஐபிஎல் புள்ளிப் பட்டியலில் 10-வது இடத்தில், அதாவது கடைசி இடத்தில் தத்தளிக்கிறது. இது கேப்டன் ருதுராஜ் கெய்க்வாட் மற்றும் பயிற்சியாளர் ஸ்டீபன் ஃபிளெமிங் மீதான அழுத்தத்தை அதிகரிக்கிறது. இந்தநிலையில், சென்னை சூப்பர் கிங்ஸ் அணியில் தொடர் தோல்விக்கு காரணமான 5 விஷயங்களை பற்றி தெரிந்து கொள்வோம். சிஎஸ்கே செய்ய வேண்டிய 3 மாற்றங்கள்.. பிளே ஆஃப் செல்ல இதுதான் ஒரே வழி!
அழுத்தத்தில் கேப்டன் ருதுராஜ்:
ஐபிஎல் 2026 சீசனின் தொடர் தோல்விக்கு ருதுராஜ் கெய்க்வாடை ஒரு கடினமான சூழலுக்கு தள்ளியுள்ளது. ருதுராஜ் கெய்க்வாட் தோனியின் நிழலாக இருந்து வருகிறார். இந்த அழுத்தம் அவரது பேட்டிங் மற்றும் கேப்டன்ஷியில் வெளிப்படுகிறது. ருதுராஜ் பேட்டிங் செய்வதற்கோ அல்லது களத்தில் நல்ல முடிவுகளை எடுப்பதற்கோ சிரமப்படுகிறார். ருதுராஜ் தொடர்ந்து அழுத்தத்தில் இருப்பது போல் தெரிகிறது. இதன் காரணமாக ருதுராஜ் இந்த அழுத்தத்தை விரைவில் சரிசெய்ய வேண்டும். இல்லையெனில், இந்த பிரச்சினைகள் மேலும் மோசமடையும்.இளைஞர்கள் மீது அதிக அழுத்தம்:
கார்த்திக் சர்மா மற்றும் பிரசாந்த் வீர் போன்ற இளம் வீரர்களுக்கு சிஎஸ்கே நிர்வாகம் ரூ. 30 கோடியை முதலீடு செய்தது. இவ்வளவு பெரிய அணியின் அழுத்தத்தைச் சமாளிக்க இளம் வீரர்கள் இன்னும் தயாராக இருப்பதாகத் தெரியவில்லை. அதன்படி, அவர்களுக்கு இன்னும் அதிக வாய்ப்புகள் வழங்கப்படுவது முக்கியம். காலப்போக்கில், கார்த்திக் சர்மா மற்றும் பிரசாந்த் வீர் போன்ற இளம் வீரர்கள் ஐபிஎல்-இன் மிகப்பெரிய அணிக்காகவும் அதன் ரசிகர்களுக்காகவும் சிறப்பாகச் செயல்பட முடியும்.சஞ்சு சாம்சன்:
சஞ்சு சாம்சனின் தொடர் சொதப்பல்களும் சென்னை சூப்பர் கிங்ஸ் அணிக்கு பின்னடைவை கொடுத்துள்ளது. டி20 உலகக் கோப்பை வெற்றியாளரும், ராஜஸ்தான் ராயல்ஸ் அணியின் ஐபிஎல் கேப்டனுமாக உள்ளே வந்த சஞ்சு சாம்சனுக்கு, இன்னும் எம்.எஸ்.தோனி இடத்தை நிரப்ப முடியவில்லை. ருதுராஜ் கேப்டன்ஷியில் சொதப்பும் காரணத்தினால் தோனியின் அடுத்த வாரிசாகவும், சிஎஸ்கேவின் அடுத்த கேப்டனாக சாம்சன் இருப்பார் என்ற பேச்சு ஏற்கனவே எழுந்துள்ளது. இது சந்தேகமின்றி கெய்க்வாடை கலக்கமடையச் செய்திருக்கும். இது குழப்பத்தை அதிகரிக்க வாய்ப்புள்ளது.டாப் ஆர்டர் சொதப்பல்:
ஐபிஎல் 2026 தொடரின் 3 போட்டிகளிலும் சென்னையின் டாப் ஆர்டர் சொதப்பியுள்ளது. பஞ்சாப் கிங்ஸ் அணிக்கு எதிராக ஆயுஷ் மகாத்ரே அடித்த அரைசதத்தைத் தவிர, முதல் 3 பேட்ஸ்மேன்களும் தொடர்ந்து ஏமாற்றமளித்து வருகின்றனர். 3 போட்டிகளிலும், 3 இன்னிங்ஸ்களிலும் இந்த 3 பேட்ஸ்மேன்களும் தலா ஒரு அரைசதம் மட்டுமே அடித்துள்ளனர். இது மிடில் ஆர்டருக்கு தொடர்ச்சியான அழுத்தத்தை அளித்துள்ளது. இருந்தபோதிலும், சென்னை அணி 2 போட்டிகளில் 200 ரன்களைக் கடந்துள்ளது. முதல் மூன்று பேட்ஸ்மேன்களில் இருவர் தொடர்ந்து ரன் குவிக்கத் தொடங்கினால், அது மிடில் ஆர்டரின் மீதான அழுத்தத்தைக் குறைத்து, சென்னை அணியின் நம்பிக்கையை மீட்டெடுக்கும். தொடர் தோல்வியில் நிலைகுலைந்த சிஎஸ்கே.. தோனி, பிரெவிஸ் திரும்புவது எப்போது?பலவீனமான பந்துவீச்சு:
கலீல் அகமது, அன்ஷுல் கம்போஜ், ஜேமி ஓவர்டன், நூர் அகமது மற்றும் ராகுல் சாஹர் ஆகியோரால் சீராக சிறப்பாகப் பந்துவீச முடியவில்லை. அணியில் நாதன் எல்லிஸ் இல்லை. அவருக்குப் பதிலாக வந்த ஸ்பென்சர் ஜான்சனும் காயமடைந்துள்ளார். பந்துவீச்சுத் துறையில் அனுபவம் இல்லை என்பது மிகுந்த கவலையளிக்கிறது. பேட்ஸ்மேன்கள் 210 ரன்கள் எடுத்தாலும்கூட, பந்துவீச்சாளர்கள் தங்களின் மோசமான பந்துவீச்சால் ரன்களை வாரி வழங்குகின்றனர். எனவே, சிஎஸ்கே தனது பந்துவீச்சுத் துறையை விரைவில் சரிசெய்வது முக்கியம்.