கன்னியாகுமரி, செப்டம்பர் 08 : கன்னியாகுமரியில் விவேகானந்தர் பாறை மற்றும் திருவள்ளூர் சிலையை இணைக்கும கண்ணாடி பாலத்தில் (Kanyakumari Glass Bridge) திடீரென விரிசல் ஏற்பட்டுள்ளது.

iframe{min-width: 0px !important;box-sizing: border-box;} இதனால், சுற்றுலா பயணிகள் அச்சத்துடனே கண்ணாடி பாலம் மீது நடந்து செல்கின்றன. கடந்த 9 மாதங்களுக்கு முன்பு திறந்து வைக்கப்பட்ட நிலையில், கண்ணாடி பாலத்தில் விரிசல் ஏற்பட்டுள்ளது. தமிழகத்தில் புகழ்பெற்ற சுற்றுலா தளங்களில் ஒன்று கன்னியாகுமரி. கன்னியாகுமரிக்கு தினந்தோறும் ஏராளமான சுற்றுலா பயணிகள் வருகை தருகின்றன.

தமிழகம் மட்டுமின்றி, வெளி நாடுகள், வெளி மாநிலங்களில் இருந்தும் மக்கள் வந்து செல்கின்றன. தொடர் விடுமுறை, வார இறுதிகள் நாட்களில் சுற்றுலா பயணிகளின் கூட்டம் அலைமோதும். குறிப்பாக, திருவள்ளூர் சிலை மற்றும விவேகானந்தர் மண்டபத்தை சென்று பார்ப்பதற்காக பலரும் வருவார்கள். முன்பாக, திருவள்ளூர் சிலை மற்றும் விவேகானந்தர் மண்டபத்தை பார்க்க, படகு சேவை வழங்கப்பட்டு வந்தது.

படகு சேவை நீண்ட வரிசையில் காத்திருந்து மக்கள் சென்று வந்தனர். இந்த நிலையில் தான், தமிழக அரசு சார்பில் திருவள்ளூர் சிலை மற்றும் விவேகானந்தர் மண்டபத்தை இணைக்கும் வகையில், பிரம்மாண்டமாக கண்ணாடி பாலம் அமைக்கப்பட்டுள்ளது.

இந்த நிலையில், 2025 செப்டம்பர் 8ஆம் தேதியான இன்று கண்ணாடி இழை பாலத்தில் விரிசல் ஏற்பட்டுள்ளது. கண்ணாடி இழை பாலம் திறக்கப்பட்டு, 9 மாதங்களே ஆன நிலையில், தற்போது கண்ணாடி பாலத்தில் விரிசல் ஏற்பட்டு இருப்பது சுற்றுலா பயணிகளிடையே அதிர்ச்சியை ஏற்படுத்தியுள்ளது. ஆனாலும் ஆபத்தை உணராமல் சுற்றுலா பயணிக்ள விரிசல் ஏற்பட்ட இடத்திற்கு அருகே நின்று, செல்ஃபி எடுத்து வருகின்றனர். இதனை அடுத்து, மாவட்ட நிர்வாகம் விரிசல் ஏற்பட்ட பகுதியில் அட்டைகளைப் போட்டு, மூடி வைத்துள்ளனர்.