கண் ஆரோக்கியம் குறித்து சமூகத்தில் நிலவும் பல பரவலான எண்ணங்கள் அறிவியல் பூர்வமாக தவறானவை ஆகும். கேரட் சாப்பிடுவது உடலுக்கு வைட்டமின் A தந்தாலும், ஏற்கனவே உள்ள கிட்டப்பார்வை அல்லது தூரப்பார்வைக் கோளாறுகளை அது முழுமையாகச் சரிசெய்யாது.
கண்ணாடி அணிவது கண்களை மேலும் பலவீனப்படுத்துமா?
கண்ணாடி அணியத் தொடங்கினால் கண்களின் இயல்பான பார்வைத் திறன் குறைந்துவிடும் என்று பலர் அஞ்சுகின்றனர். ஆனால், இது முற்றிலும் தவறான கருத்தாகும். கிட்டப்பார்வை, தூரப்பார்வை போன்றவற்றால் மங்கலாகத் தெரியும் பிம்பங்களை விழித்திரையில் சரியாகக் குவியச் செய்ய மட்டுமே கண்ணாடிகள் பயன்படுகின்றன. குறிப்பாகக் குழந்தைகளுக்குப் பரிந்துரைக்கப்பட்ட கண்ணாடிகளைத் தவறாமல் அணிவிப்பது அவர்களின் சீரான பார்வை வளர்ச்சிக்கு மிகவும் அவசியமாகும்.திரைகளைப் பார்ப்பதால் சர்க்கரை நோய் விழித்திரை பாதிப்பு ஏற்படுமா?
கணினி அல்லது மொபைல் திரைகளை நீண்ட நேரம் பார்ப்பதால் சர்க்கரை நோயினால் ஏற்படும் விழித்திரை பாதிப்பு (Diabetic Retinopathy) உருவாகும் என்ற தவறான எண்ணம் உள்ளது. திரைகளை அதிக நேரம் பார்ப்பது கண் சோர்வு மற்றும் கண் வறட்சியை மட்டுமே உண்டாக்கும். சர்க்கரை நோயினால் ஏற்படும் விழித்திரை ரத்த நாளப் பாதிப்பிற்கும் திரை பயன்பாட்டிற்கும் நேரடித் தொடர்பில்லை.மங்கலான வெளிச்சத்தில் படித்தால் பார்வை நிரந்தரமாகப் பாதிக்குமா?
குறைந்த வெளிச்சத்தில் புத்தகம் வாசிப்பது பார்வையைப் நிரந்தரமாகப் பாதிக்கும் எனக் கருதப்படுகிறது. ஆனால், மங்கலான வெளிச்சத்தில் படிப்பது தற்காலிகமான கண் அசதி மற்றும் தலைவலியை மட்டுமே ஏற்படுத்தும். இதனால் பார்வைத்திறன் நிரந்தரமாகக் குறைவதில்லை. இருப்பினும், சௌகரியமான வாசிப்பிற்குப் போதிய வெளிச்சம் உள்ள சூழலே சிறந்தது. : 60-லும் மாறாத 'பூவே பூச்சூடவா' நதியா… இதுதான் அந்த அழகு ரகசியம்!கண்களைத் தேய்ப்பதும் மருத்துவப் பரிசோதனையைத் தவிர்ப்பதும் சரியா?
அரிப்பு ஏற்படும்போது கண்களைத் பலமாகத் தேய்ப்பது கார்னியாவைச் சேதப்படுத்துவதுடன், கைகளில் உள்ள பாக்டீரியாக்கள் மூலம் தொற்றுகளையும் உண்டாக்கும். அதேபோல, பார்வை தெளிவாக இருக்கும் வரை கண் பரிசோதனை தேவையில்லை என எண்ணுவதும் தவறானது. குளுக்கோமா போன்ற ஆபத்தான கண் நோய்கள் ஆரம்பக் கட்டத்தில் எவ்வித வெளிப்படையான அறிகுறிகளையும் காட்டுவதில்லை என்பதால், வழக்கமான மருத்துவப் பரிசோதனைகள் மட்டுமே கண் ஆரோக்கியத்தை உறுதி செய்யும். பொறுப்புத் துறப்பு: இத்தளத்தில் உள்ள லைப்ஸ்டைல், ஆரோக்கியம் மற்றும் உணவு சார்ந்த தகவல்கள் பொதுவான விழிப்புணர்விற்காக மட்டுமே; இவை மருத்துவ ஆலோசனையல்ல. இதில் உள்ள குறிப்புகளைப் பின்பற்றும் முன் தகுந்த நிபுணர் அல்லது மருத்துவரின் ஆலோசனையைப் பெறுவது அவசியமாகும்.