Womens Asia Cup 2026: சுழட்டியடித்த இந்திய பந்துவீச்சாளர்கள்.. 65 ரன்களில் சுருண்ட தாய்லாந்து மகளிர்!

2026 மகளிர் ஆசியக் கோப்பையில்(Womens Asian Games 2026) இன்று அதாவது 2026 ஆகஸ்ட் 30ம் தேதி இந்திய மகளிர் அணியும், தாய்லாந்து மகளிர் அணியும் மோதியது.

இந்த போட்டியில் முதலில் பேட்டிங் செய்த இந்திய மகளிர் அணி(Indian Womens Cricket Team) 20 ஓவர்கள் முடிவில் 9 விக்கெட் இழப்பிற்கு 159 ரன்கள் எடுத்தது. 160 ரன்கள் எடுத்தால் வெற்றி என்ற இலக்குடன் களமிறங்கிய தாய்லாந்து அணி 65 ரன்களில் ஆல் அவுட் ஆனது. 159 ரன்களை தற்காக்க இந்திய பந்துவீச்சாளர்கள் வலுவான தொடக்கத்தை அளித்தனர். கிராந்தி கௌட் முதல் ஓவரிலேயே, ஐந்தாவது பந்தில் நட்டகன் சந்தத்தை (4) ஆட்டமிழக்கச் செய்தார். பின்னர், மூன்றாவது ஓவரின் முதல் பந்தில் நந்தினி ஷர்மா, ஃபனிதா மாயாவை (6) விக்கெட் கீப்பரிடம் கேட்ச் கொடுத்து ஆட்டமிழக்கச் செய்தார். பவர்பிளேயின் கடைசி ஓவரில், ஸ்ரீ சரணி அஃபிசரா சுவன்சோன்ரதியை (1) எல்பிடபிள்யூ முறையில் ஆட்டமிழக்கச் செய்தார். தனது அடுத்த ஓவரிலேயே, ஸ்ரீ சரணி சானிடா சுத்திருவாங்கை (5) ஆட்டமிழக்கச் செய்து தாய்லாந்தின் நான்காவது விக்கெட்டை வீழ்த்தினார். தொடங்கிய மகளிர் ஆசியக் கோப்பை.. இந்திய மகளிர் அணியின் சாதனை என்ன?

கலக்கிய நந்தினி ஷர்மா மற்றும் தீப்தி சர்மா:

44 ரன்கள் எடுத்திருந்தபோது தாய்லாந்து தனது அணியில் பாதியை இழந்திருந்தது. தீப்தி ஷர்மா, நவோமி கனோக்போர்ன் ஹாமில்டனை (1) எல்பிடபிள்யூ முறையில் ஆட்டமிழக்கச் செய்தார். இது தாய்லாந்தின் இன்னிங்ஸின் 5வது விக்கெட் ஆகும். தாய்லாந்து 44 ரன்களில் பாதியை எட்டியிருந்தது. ஒன்பதாவது ஓவரில், தீப்தி தனது இரண்டாவது விக்கெட்டைக் கைப்பற்றினார். தாய்லாந்தின் ஆறாவது விக்கெட்டாக, நன்னபத் சோஹனை டக் அவுட்டில் ஆட்டமிழக்கச் செய்தார்.

பேட்டிங்கில் தடுமாறிய இந்திய மகளிர்:

டாஸ் வென்ற தாய்லாந்து முதலில் பந்துவீசத் தீர்மானித்தது. ஸ்மிருதி மந்தனா மோசமாக ஆடி, 10 பந்துகளில் 19 ரன்கள் எடுத்த நிலையில் ரன் அவுட் ஆனார். பின்னர் ஷெஃபாலி வர்மா, பிரதிகா ராவலுடன் இரண்டாவது விக்கெட்டுக்கு 53 ரன்கள் பார்ட்னர்ஷிப் அமைத்தார். பிரதிகா ராவல் 22 ரன்களில் ஆட்டமிழந்தார். நான்காவது இடத்தில் களமிறங்கிய கேப்டன் ஹர்மன்பிரீத் கவுரும் சொதப்பி, 9 பந்துகளில் 5 ரன்கள் மட்டுமே எடுத்தார். சுழட்டியடித்த இந்திய பந்துவீச்சாளர்கள்.. 65 ரன்களில் சுருண்ட தாய்லாந்து மகளிர்! ஷஃபாலி வர்மா 26 பந்துகளில் அரைசதம் அடித்து, மகளிர் ஆசியக் கோப்பையில் அதிவேக அரைசதங்களில் ஒன்றாகப் பதிவு செய்தார். அவர் 36 பந்துகளில் 177-க்கும் மேற்பட்ட ஸ்டிரைக் ரேட்டில் 64 ரன்கள் எடுத்தார். இந்த இன்னிங்ஸில் ஷபாலி 3 சிக்ஸர்களையும்8 பவுண்டரிகளையும் அடித்தார்.