சென்னை: வேகவைத்த காய்கறிகள், 40 நிமிடங்களில் ஜீரணமாகும். இதனோடு சேர்த்துச் சாப்பிடும் அரிசி சாதம், கோதுமை வகைகள் காய்கறிகள் ஜீரணமடைந்த பின், 3 மணி நேரம் கழித்து ஜீரணமாகும்.

அசைவ உணவுகளில் மிக எளிதாக ஜீரணமடைவது மீன்தான். சாப்பிட்ட ஒரு மணி நேரத்துக்குள்ளாக ஜீரணமடையும். மட்டன், மாட்டிறைச்சி போன்ற இறைச்சி வகைகள் ஜீரணிக்க கிட்டதட்ட 3 மணி நேரம் ஆகும்.

முட்டை ஜீரணமடைய 2 மணி நேரம் ஆகும். சிக்கன் இரவு நேரங்களில் ஜீரணமடைவதற்கு ஒன்றரை முதல் இரண்டு மணி நேரம் வரைஆகும். ஒரு கிளாஸ் பால் ஜீரணமாவதற்கு 4 முதல் 5 மணி நேரம் ஆகும். நாம் குடிக்கும் பழச்சாறுகள் 20 முதல் 30 நிமிடங்களுக்குள்ளாக ஜீரணமாகிவிடும். சிறு தானியங்கள் ஜீரணமாவதற்குக் ஒன்றரை மணி நேரம் ஆகும்.

பீட்ரூட் ஜீரணமடைவதற்கு 50 நிமிடங்களும், காலிபிளவர் ஜீரணமடைவதற்கு 45 நிமிடங்களும் அகும். வாழைப்பழம், ஆப்பிள் போன்றவை சாப்பிட்ட 20 முதல் 30 நிமிடங்களுக்குள்ளாக ஜீரணமாகிவிடும். உருளைக்கிழங்கு ஜீரணமடைய 1 மணி நேரமும் பச்சையாகச் சாப்பிடும் கேரட் ஜீரணிக்க கிட்டதட்ட 50 நிமிடங்களும் ஆகும்.

கொண்டைக்கடலையும் கிட்டதட்ட சிக்கனை போன்றுதான் 90 முதல் 120 நிமிடங்கள் வரை எடுத்துக் கொள்ளும். அதிகபட்சமாக அரை மணி நேரத்திற்குள்ளாகவே ஆரஞ்சு மற்றும் மற்ற சிட்ரஸ் பழங்கள் ஜீரணமடைந்துவிடும். முந்திரி, பாதாம், பிஸ்தா போன்ற கொட்டை வகைகள் ஜீரணமடைய மிக அதிக நேரம் எடுத்துக் கொள்கின்றன. கிட்டதட்ட மூன்று மணி நேரம் ஆகும்.