సూపర్ స్టార్ కృష్ణ మనవడు, మహేష్ బాబుకు అన్నయ్య అయినటువంటి రమేష్ బాబు కుమారుడు జయ కృష్ణ ఘట్టమనేని కథానాయకుడిగా పరిచయం అవుతున్న సినిమా 'శ్రీనివాస మంగాపురం'.

అజయ్ భూపతి దర్శకత్వం వహిస్తున్నారు. రవీనా టాండన్ కుమార్తె రాషా తడాని తెలుగు తెరకు పరిచయం అవుతున్న చిత్రమిది. ఈ సినిమాలోని 'అలెల్లే అలెల్లే...'ను తాజాగా విడుదల చేశారు.

నాని విడుదల చేసిన అలెల్లే అలెల్లే
'శ్రీనివాస మంగాపురం' సినిమాను అశ్విని దత్ సమర్పణలో చందమామ కథలు పతాకంపై పి. కిరణ్ నిర్మిస్తున్నారు. జీవీ ప్రకాష్ కుమార్ ఈ సినిమాకు సంగీతం అందిస్తున్నారు. ఇందులోని మొదటి పాట 'అలెల్లే అలెల్లే...'ను నేచురల్ స్టార్ నాని విడుదల చేశారు. మెలోడియస్‌గా మొదలై... తర్వాత ఉత్సాహభరితంగా మారిన ఈ పాటను శ్రీమణి రాశారు. ఒక్కసారి సాహిత్యం ఎలా ఉంది? అనేది చూస్తే...

ఈ హృదయం.. చూడదే.. చీకటిని..
నీ చెలిమి చేరదని.. నా ఊపిరి..
అల్లల్లె.. అల్లల్లె.. అదిరే కలలే..
అల్లల్లె.. అల్లల్లె.. కలిసే ఎదలే..

పీల్చే శ్వాసలాగా.. మార్చుకోరా నన్నిలా
కాలం చివరి దాకా.. నడిచి రానా తోడులా
ఆటంబాంబు తాకినా చెక్కుచెదరని హృదయం నాదంటా
నాటు తూటాలా ఉండేవాడినే తేనే ఊటల్లా మార్చావంటా
చచ్చిపుడుతున్నా ఇకపైన ప్రాణంగా అడుగిడినా
ఇకపై నీతోనే జీనా మర్నా..
అల్లల్లె.. అల్లల్లె.. కలిసే ఎదలే

Also Read: Ammoru Diginadhi Song Lyrics - 'అమ్మోరు దిగినాది' సాంగ్ లిరిక్స్: 'అనకాపల్లి'లో మంగ్లీ పాట... జాతరలో మార్మోగేలా

శ్రీమణి సాహిత్యంలోని ప్రేమ, మధురమైన అనుభూతులను జీవీ ప్రకాష్ కుమార్ బాణీ, అలాగే ఆయనతో పాటు హరి ప్రియా గానం చక్కగా ఆవిష్కరించింది. ఈ పాటకు సింగింగ్ కూడా హైలైట్ గా నిలిచింది. జయకృష్ణ, రషా మధ్య కెమిస్ట్రీ ఎంతో సహజంగా, అందంగా ఉంది.

ప్రస్తుతం 'శ్రీనివాస మంగాపురం' చిత్రీకరణ తుది దశకు చేరుకుంది. త్వరలో ఈ సినిమాను విడుదల చేయడానికి సన్నాహాలు చేస్తున్నారు. కలెక్షన్ కింగ్, లెజెండరీ నటుడు మోహన్ బాబు ప్రధాన పాత్ర పోషిస్తున్న ఈ సినిమాకు జయకృష్ణ ISC సినిమాటోగ్రాఫర్.

Also Read: Ashu Reddy - కేసుతో అషురెడ్డి ఇన్‌స్టా సబ్‌స్క్రిప్షన్‌కు పెరిగిన డిమాండ్... లక్షల్లో డబ్బులు

Author : S Niharika