Ayyannapatrudu controversy: అనకాపల్లి జిల్లా నర్సీపట్నంలో జరిగిన మరిడమ్మ జాతర సందర్భంగా చోటుచేసుకున్న ఈ ఘటన ఇప్పుడు రాష్ట్రవ్యాప్తంగా చర్చనీయాంశమైంది.

అక్కడ ఏం జరిగింది?

సాధారణంగా జాతరలో డప్పు కళాకారులు ప్రముఖులు వచ్చినప్పుడు ఉత్సాహంగా వాయిస్తుంటారు. అయితే, భాస్కరరావు డప్పును అయ్యన్నపాత్రుడు మొహానికి దాదాపు తాకేలా తీసుకెళ్లి వాయించడంతో, ఆయన ఒక్కసారిగా ఉలిక్కిపడ్డారు. ఆ క్షణంలో వచ్చిన కోపంతో ఆయన ఆ కళాకారుడిని కొట్టారు. ఆ తర్వాత స్పీకర్ గన్‌మెన్లు, అనుచరులు భాస్కరరావును పక్కకు నెట్టివేయడంతో అక్కడ కాసేపు ఉద్రిక్తత నెలకొంది. పండగ వాతావరణంలో జరిగిన ఈ అనుహ్య పరిణామం అందరినీ ఆశ్చర్యపరిచింది.

భాస్కరరావు స్పందన

ఈ ఘటనపై బాధితుడు భాస్కరరావు స్పందిస్తూ.. నేను అమ్మవారి జాతరలో ఉత్సాహంగా డప్పు కొట్టాను. అయ్యన్నపాత్రుడు గారు మా ఊరి పెద్దాయన. ఆయనకు మా మీద కోపం ఏమీ లేదు, ఆ శబ్దానికి ఆయన ఇబ్బంది పడి అలా చేసి ఉండవచ్చు. దీన్ని నేను పెద్ద వివాదంగా చూడటం లేదు అని చెబుతున్నారు. చేశారు. అయినప్పటికీ, ఒక కళాకారుడిపై చేయి చేసుకోవడాన్ని దళిత, ళాకారుల సంఘాలు ఖండిస్తున్నాయి.

రాజకీయ దుమారం

ఈ ఘటనపై ప్రతిపక్షాలు మండిపడుతున్నాయి. ప్రజాస్వామ్యంలో స్పీకర్ పదవికి ఒక గౌరవం ఉంటుందని, ఇలా బహిరంగంగా సామాన్యులపై దాడి చేయడం తగదని విమర్శిస్తున్నాయి.

Author : Raja Sekhar Allu