మంగళవారం అర్ధరాత్రి తర్వాత తమిళనాడు కాంగ్రెస్ రాజకీయ వ్యవహారాల కమిటీ అత్యవసరంగా వర్చువల్గా సమావేశమై ఈ నిర్ణయం తీసుకుంది. పార్టీ ఇన్ఛార్జి గిరీష్ చందోకర్ నేతృత్వంలో జరిగిన ఈ సమావేశంలో సీనియర్ నేతలు విజయ్ టీవీకే పార్టీకి మద్దతు ఇచ్చేందుకు అంగీకరించడంతో ఏకగ్రీవ తీర్మానం చేసినట్లు పార్టీ వర్గాలు వెల్లడించాయి.

2 మంత్రి పదవులు డిమాండ్ చేసిన కాంగ్రెస్.. !

అయితే, విజయ్ పార్టీకి మద్దతుకు సంబంధించి కాంగ్రెస్ పార్టీ కొన్ని కండీషన్లు విధించినట్లు సమాచారం. కొత్త ప్రభుత్వంలో తమకు 2 కేబినెట్ పదవులు ఇవ్వాలని, మరికొన్ని డిమాండ్లు చేయగా వాటిలో కొన్నింటికి విజయ్ అంగీకరించడంతో వారి మధ్య మద్దతుకు అభ్యంతరాలు తొలగిపోయాయి. కాంగ్రెస్ ఎమ్మెల్యేలు పనైయూర్లోని టీవీకే కార్యాలయంలో విజయ్ను కలిసి మద్దతు లేఖను అందజేయనున్నారు.

ఎవరు ఎన్ని నెగ్గారు.. విజయ్కు ఎన్ని సీట్లు కావాలి..
ఈ ఎన్నికల్లో టీవీకే 108 స్థానాలు నెగ్గగా.. డీఎంకే కూటమి 73, అన్నాడీఎంకే 53 చోట్ల విజయం సాధించాయి. అయితే డీఎంకే కూటమిలో ఉన్న కాంగ్రెస్ పార్టీ 5 చోట్ల గెలుపొందింది. విజయ్ టీవీకే ప్రభుత్వం ఏర్పాటు చేయడానికి మరో 10, 11 సీట్లు కావాలి. ఇప్పుడు ఈ సీట్లే విజయ్కి కీలకంగా మారాయి. మరోవైపు సీపీఎం, సీపీఎంలతో పాటు ఇతర చిన్నపార్టీలను మద్దతు కోరుతూ టీవీకే ఆహ్వానం పంపింది. మే 7వ తేదీన విజయ్ తమిళనాడు ముఖ్యమంత్రిగా ప్రమాణ స్వీకారం చేయడానికి ఏర్పాట్లు జరుగుతున్నాయి. ఆయనతో పాటు మరికొందరు మంత్రులుగా ప్రమాణ స్వీకారం చేయనున్నారు.

Author : Shankar Dukanam