శ్లోకం

బుద్ధిర్బలం యశో ధైర్యం, నిర్భయత్వ మరోగతా
అజాఢ్యం వాక్పటుత్వంచ హనుమత్ స్మరణాద్భవేత్

ఈ ఒక్క శ్లోకం చాలు.. ఆంజనేయుడు ప్రసాదించే 8 వరాలు మీసొంతమవుతాయి

1. బుద్ధి: - Brain Power

ఆంజనేయుడికి గురువు సూర్య భగవానుడు. సూర్యుడి దగ్గర విద్య నేర్చుకున్నవాడు లంకలో సీతాదేవి జాడ కనిపెట్టినవాడు, రావణుడి సభకు దూతగా వెళ్లినవాడు , సంజీవని తీసుకొచ్చినవాడు అయిన హనుమంతుడిని కష్టసమయంలో తల్చుకుంటే చాలు ధైర్యం అదే వచ్చేస్తుంది. పరీక్షల సమయంలో అయినా, ఉద్యోగం కోసం ఇంటర్యూలకు వెళ్లే సమయంలో అయినా, నిర్ణయం తీసుకునేందుకు కష్టంగా ఉన్నాసరే.. అలాంటి సమయంలో హనుమాన్ స్మరణతో మైండ్ పదునుగా పనిచేస్తుంది. సమస్యకు పరిష్కారం దొరుకుతుంది

2. బలం - Body Power, Will Power

కొండని పెకిలించి చేతపట్టుకుని సముద్రాన్ని దాటినవాడు, రామకార్యం కోసం అడుగు వెనక్కు వేయనివాడు అయిన ఆంజనేయుడిని తల్చుకుంటే అంతర్గత బలం మీ సొంతం. ఏ పని అయినా సాధించగలను అనే ధైర్యం వచ్చేస్తుంది

3. యశః - Glory and Honor

ఆంజనేయుడి పేరు చెబితేనే రాక్షసులు వణికిపోతారు, భక్తులు పొంగిపోతారు. నీపని నువ్వు నిజాయితీగా చేసినప్పుడు భయం ఎందుకు? అప్పుడు నీకు రావాల్సిన కీర్తి, గౌరవం రాకుండా ఎలా ఆగిపోతాయ్? పేరు , కీర్తి, గౌరవం కోసం నువ్వు పరిగెత్తకు..నీ కర్తవ్యాన్ని నువ్వు నిర్వహించినప్పుడు అవే నిన్ను వెతుక్కుంటూ వస్తాయి. హనుమంతుడు పేరు సంపాదించుకోలేదు..తనపని తాను చేసుకుంటూ పోతే అదే వచ్చింది.

4. ధైర్యం - Courage

లంక మొత్తం రాక్షసులున్నా ఒక్కడే వెళ్లాడు హనుమంతుడు. భయం ఎక్కడైనా కనిపించిందా? లేదు..ఎందుకంటే తన వెనుక రాముడున్నాడు అనే ధైర్యం. ఏ కార్యం తలపెట్టినా నా వెనుక రాముడున్నాడు లేదా ఆంజనేయుడున్నాడు లేదంటే నా ఇష్టదైవం ఉందనే నమ్మకంతో అడుగు ముందుకువేయండి..భయం మీ దరిదాపులకు కూడా రాలేదు

5. నిర్భయత్వం - Fearlessness

ధైర్యం వేరు, నిర్భయత్వం వేరు. ధైర్యం అంటే భయం ఉన్నప్పటికీ ఎదురించడం.. నిర్భయత్వం అంటే భయం లేకుండా పోరాడడం. ఆంజనేయుడిని స్మరిస్తే ఎలాంటి భయం అయినా పటాపంచలు అయిపోతుంది. దుష్టగ్రహాలు వెనుతిరిగిచూడకుండా పారిపోతాయ్. జై హనుమాన్ అనే పిలుపుచాలు భయం మిమ్మల్ని చేరుకునేందుకు భయపడుతుంది..