Sundeep Kishan's Super Subbu Web Series OTT Streaming : టాలీవుడ్ యంగ్ హీరో సందీప్ కిషన్ డిజిటల్ డెబ్యూ కామెడీ సిరీస్ 'సూపర్ సుబ్బు' ఓటీటీలోకి వచ్చేసింది.
ఇప్పటికే రిలీజైన టీజర్, ట్రైలర్ భారీ హైప్ క్రియేట్ చేయగా... సెన్సిటివ్ ఇష్యూతో పాటు కామెడీ అంశాలను కూడా టచ్ చేశారు.
ఎందులో స్ట్రీమింగ్ అంటే?
'సూపర్ సుబ్బు' సిరీస్ ఇంటర్నేషనల్ ఓటీటీ 'నెట్ ఫ్లిక్స్' (Netflix)లో గురువారం నుంచి స్ట్రీమింగ్ అవుతోంది. తెలుగుతో పాటు హిందీ, తమిళం, కన్నడ, మలయాళం భాషల్లో అందుబాటులోకి వచ్చింది. ఈ సిరీస్కు మల్లిక్ రామ్ దర్శకత్వం వహించగా... సందీప్ కిషన్తో పాటు మిథిలా పాల్కర్, మురళీ శర్మ, బ్రహ్మానందం, గెటప్ శ్రీను, సంపూర్ణేశ్ బాబు తదితరులు కీలకపాత్రలు పోషించారు. చిలకా ప్రొడక్షన్స్ బ్యానర్పై రాజీవ్ చిలకా, భరత్ లక్ష్మీపతి నిర్మించారు.
స్టోరీ ఏంటంటే?
మారుమూల గ్రామంలో గ్రామస్థులకు సెక్స్ ఎడ్యుకేషన్, ఫ్యామిలీ ప్లానింగ్ అంశాలపై అవగాహన కల్పించేందుకు వెళ్లిన ఓ వ్యక్తికి ఎదురైన అనుభవాలను కామెడీగా చూపించారు. జాబ్ పర్మినెంట్ కావడం కోసం గ్రామానికి వెళ్లిన హీరో (సందీప్ కిషన్) అక్కడ సెక్స్ ఎడ్యుకేషన్తో పాటు ఫ్యామిలీ ప్లానింగ్పై అవగాహన కల్పించాలనుకుంటాడు. అయితే, ఫస్ట్ నుంచీ గ్రామస్థుల నుంచి ప్రతిఘటన ఎదురవుతుంది. దీంతో ఇక లాభం లేదనుకుని మహిళల సైడ్ నుంచి దీనిపై అవగాహన కల్పించాలని ప్లాన్ చేస్తాడు.
దీంతో ఊర్లో భార్యల నుంచి వారి భర్తలకు తీవ్ర ఇబ్బందులు ఎదురవుతాయి. దీనికి కారణం హీరోనే అని మగాళ్లందరూ అతని వెంట పడతారు. వారి బారి నుంచి తనను తాను ఎలా కాపాడుకున్నాడు? అసలు ఆ ఊరినే సెక్స్ ఎడ్యుకేషన్ కోసం ఎందుకు ఎంచుకున్నాడు? చివరకు ఏం జరిగింది? అనేది తెలియాలంటే ఈ సిరీస్ చూడాల్సిందే.
Also Read : Project Hail Mary OTT : రెండు ఓటీటీల్లో 6 వేల కోట్ల సైన్స్ ఫిక్షన్ మూవీ - ఎందులో చూడొచ్చంటే?
NOTE :మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.
Author : Ganesh Guptha