Tamil Nadu Assembly Elections Results 2026: తమిళనాడు రాజకీయ చరిత్రలో ఐదు దశాబ్దాలుగా డీఎంకే, అన్నా డీఎంకే మాత్రమే రాష్ట్రాన్ని పాలిస్తూ వచ్చాయి. 2021లో అధికారంలోకి వచ్చిన ఎంకే స్టాలిన్, వరుసగా రెండోసారి అధికారాన్ని నిలబెట్టుకోవాలని పట్టుదలతో పని చేశారు.
Tamil Nadu Assembly Elections Results 2026: విజయ్ పార్టీ విజిల్ గాలికి కొట్టుకుపోయిన స్టాలిన్! టీవీకే జైత్రయాత్రలో లక్కీ ఛాన్స్ కొట్టిన సమాన్యులు!
ABP దేశం 2 weeks ago
తమిళనాడులో విజయ్ పార్టీ టీవీకే మాస్టర్ మైండ్ ఈయనే! ఎవరీ కపిల్ సాహూ?
కొలత్తూరు షాక్, జెయింట్ కిల్లర్గా వీఎస్ బాబు
ఈ ఎన్నికల్లో అత్యంత సంచలనాత్మక విషయం ఏంటంటే, ముఖ్యమంత్రి, డీఎంకే అధినేత ఎంకే స్టాలిన్ తన సొంత నియోజకవర్గం కొలత్తూరులో వెనుకంజలో ఉన్నారు. 2011 నుంచి స్టాలిన్ ఈ నియోజకవర్గానికి ప్రాతినిద్యం వహిస్తున్నారు. కానీ నేడు టీవీకే అభ్యర్థి వీఎస్బాబు ఆయనకు గట్టి పోటీని ఇచ్చి ఓడించారు. ఒకట్రెండు రౌండ్లలో తప్ప ఏ రౌండ్లో కూడా స్టాలిన్ పెద్దగా పోటీ ఇవ్వలేకపోయారు. చివరకు 8వేల ఓట్ల తేడాతో స్టాలిన్పై వీఎస్బాబు గెలుపొందారు.
75 ఏళ్ల వయసు ఉన్న వీఎస్ బాబు రాజకీయాల్లో ఆరితేరిన నేత. ఆయన గతంలో డీఎంకే తరఫున 2006లో ఎమ్మెల్యేగా గెలిచారు. 7 ఫిబ్రవరి 2026న ఆయన టీవీకేలో చేరి, ఇప్పుడు తన మాజీ బాస్కే ఓటమి రుచి చూపించారు. ఆయన ఆస్తుల విలువ 3.7 కోట్లు.
రాయపురంలో సంచలనం ఆటో డ్రైవర్ చేతిలో మాజీ మంత్రి ఓటమి
ఈ ఎన్నికల ఫలితాల్లో మరో అద్భుతమైన ఘట్టం రాయపురం నియోజకవర్గంలో ఆవిష్కృతమైంది. టీవీకే తరఫున పోటీ చేసిన ఒ సామాన్య ఆటో డ్రైవర్ విజయ్ ధాము, అన్నాడీఎంకే సీనియర్ నేత, మాజీ మంత్రి డి జయకుమార్ను ఓడించి సంచలనం సృష్టించారు. ఇక్కడ జయకుమార్కు డిపాజిట్ కూడా రాలేదు.
అప్పుడు ఎన్టీఆర్... ఆ తర్వాత ఎంజీఆర్... ఇప్పుడు విజయ్ - పొలిటికల్ స్టార్స్ జర్నీ ఇదే!
ఫలించిన విజయ్ వ్యూహాలు
విజయ్ రాజకీయ రంగప్రవేశం కేవలం ఒక గ్లామర్ అంశం మాత్రమే కాదు. అది ఒక బలమైన సామాజిక మార్పు అని రాజకీయ విశ్లేషకులు భావిస్తున్నారు. దశాబ్దాల పాత రాజకీయాలపై విరక్తి చెందిన యువత విజయ్ వైపు మొగ్గు చూపారు. విజయ్ తన పార్టీలో అట్టడుగు స్థాయి కార్యకర్తలతోపాటు వీఎస్ బాబు వంటి సీనియర్ నేతలకి కూడా గుర్తింపు ఇచ్చారు. 26 మంది మహిళలకు అవకాశం కల్పించారు. మహిళలకు నెలవారీ ఆర్థిక సహాయం, ఉచిత గ్యాస్ సిలిండర్లు, విద్యా సాయం వంటి మహిళా కేంద్రీకృత వాగ్దానాలు టీవీకేకి భారీగా కలిసి వచ్చాయి. ఇప్పటి వరకు పాలించిన పార్టీలు అవినీతిలో కూరుకుపోయాని, తాము సరికొత్త ప్రత్యామ్నాయమని విజయ్ చేసిన ప్రచారం ప్రజల్లోకి బలంగా వెళ్లింది.
దీంతో డీఎంకే ప్రభుత్వంలోని డజనుకు పైగా మంత్రులు, వారిలో సీనియర్ నేతలు ఓడిపోయారు. ఉదయనిధి స్టాలిన్ చెపాక్ తిరువల్లిక్కేణిలో స్వల్ప ఆధిక్యంలో కొనసాగుతున్నారు. తమిళనాడు ఎన్నికల ఫలితాలు కేవలం ఒక ప్రభుత్వ మార్పిడి మాత్రమే కాదు, ఇది రాజకీయ విప్లవం. దళపతి విజయ్ తన సినీ గ్లామర్ను ప్రజాక్షేత్రంలో పారదర్శకమైన ఓట్లుగా మార్చడంలో విజయవంతం అయ్యారు.
Author : Khagesh
Dailyhunt
Disclaimer: This content has not been generated, created or edited by Dailyhunt. Publisher: ABP Desam