Trisha Political Entry: తమిళనాడు రాజకీయాలను సినీ గ్లామర్ లేకుండా ఊహించుకోవడం చాలా కష్టం. దశాబ్ధాలుగా డీఎంకే, అన్నాడీఎంకే వంటి పార్టీల ఆధిపత్యం ఉన్న రాష్ట్రంలో ఒక కొత్త ప్రత్యామ్నాయంగా వచ్చిన నటుడు పెట్టిన విజయం పార్టీ కూడా సినిమా గ్లామర్తో ముడిపడి ఉంది.
Trisha Political Entry: రాజకీయాల్లోకి త్రిష ఎంట్రీ! విజయ్ స్థానంలో పోటీ! ప్రభుత్వంలో కీలక పదవి!
ABP దేశం 2 weeks ago
తిరుచ్చి(ఈస్ట్), పెరుంబూర్లో విజయ్ పోటీ చేశారు. ఆ రెండు సీట్లలో కూడా అద్భుతమైన మెజారిటీ దిశగా దూసుకెళ్తున్నారు. ఆయన రెండు స్థానాల్లో గెలిస్తే కచ్చితంగా ఒక స్థానానికి రాజీనామా చేయాల్సి ఉంటుంది. ఆయన శాశ్వతంగా పోటీ చేసే చోటును ఎంచుకొని మిగతా ప్రాంతాన్ని వదులుకోవాలి. అక్కడి నుంచే త్రిషను పార్టీ తరఫున టికెట్ కేటాయించి పోటీ చేయిస్తారని అంటున్నారు. పార్టీ పెట్టినప్పటి నుంచి త్రిష అన్ని విధాలుగా అండగా ఉంటూ వచ్చారు. బయటకు కనిపించకపోయినా బ్యాక్గ్రౌండ్లో చాలా వర్క్ చేశారని చెప్పుకుంటున్నారు. దీనికి కృతజ్ఞతగా త్రిషను రాజకీయాల్లోకి తీసుకొచ్చే బాధ్యత విజయ్ భుజానికి ఎత్తుకున్నట్టు తమిళనాట జరుగుతున్న ప్రచారం.
త్రిష, విజయ్ మధ్య చాలా కాలంగా మంచి స్నేహం ఉంది. ఎన్నికల నోటఫికేషన్ పడిన తర్వాత విజయ్ భార్య సంగీత చేసిన ఆరోపణలు సంచలనం సృష్టించాయి. సీనియర్ హీరోయిన్తో తన భర్త విజయ్ తిరుగుతున్నారని ఆయన నుంచి విడాకులు ఇవ్వాలని కోర్టుకెక్కారు. దీన్ని ప్రత్యర్థులు తమ ప్రచారంలో వాడుకున్నారు. అయితే విజయ్ మాత్రం దాన్ని లైట్ తీసుకున్నారు. ఇది తన వ్యక్తిగత విషయమని, వాటి సంగతి తాను చూసుకుంటానని, పార్టీ విజయం, ప్రజా సమస్యలపై దృష్టి పెడదామని పార్టీ నాయకులకు, శ్రేణులకు పిలుపునిచ్చారు. అక్కడితో ఆ వివాదానికి ఫుల్స్టాప్ పెట్టారు. కానీ ప్రత్యర్థులు మాత్రం ప్రచారంలో దాన్ని ఓ ప్రచారం అస్త్రంగా మార్చుకున్నారు.
Dailyhunt
Disclaimer: This content has not been generated, created or edited by Dailyhunt. Publisher: ABP Desam