Strait of Hormuz | వాషింగ్టన్: అమెరికా అధ్యక్షుడు డొనాల్డ్ ట్రంప్ మరోసారి ఇరాన్ను మరోసారి హెచ్చరించారు. ప్రస్తుతం పరిస్థితులు ప్రశాంతంగా ఉన్నట్లు కనిపిస్తున్నప్పటికీ..

ఒకవేళ ఇరాన్ ఏదైనా తప్పుడు అడుగు వేస్తే, అమెరికా మళ్లీ సైనిక చర్యకు దిగుతుందని స్పష్టం చేశారు. అయితే, ఇదే సమయంలో ప్రస్తుతం ఆగిన ఉద్రిక్తతను పూర్తి స్థాయిలో ముగించే ఉద్దేశంతో ఇరాన్ పంపిన సరికొత్త ప్రతిపాదనను పరిశీలిస్తున్నట్లు ట్రంప్ తెలిపారు.

ఇరాన్కు చెందిన తస్నీమ్, ఫార్స్ వార్తా సంస్థల నివేదికల ప్రకారం.. ఇరాన్ ప్రభుత్వం పాకిస్తాన్ ద్వారా 14 అంశాలతో కూడిన ఒక ప్రతిపాదనను అమెరికాకు చేరవేసింది. ఈ ప్రతిపాదనలో అన్ని రంగాల్లోనూ యుద్ధాన్ని ముగించాలనే అంశాన్ని ఇరాన్ ప్రస్తావించింది. అంతేకాకుండా ప్రపంచంలోనే అత్యంత కీలకమైన సముద్ర మార్గాల్లో ఒకటైన హర్మూజ్ జలసంధి కోసం ఒక కొత్త వ్యవస్థను ఏర్పాటు చేయాలనే ప్రతిపాదనను సూచించింది.

ఇరాన్పై సైనిక చర్య గురించి ట్రంప్ ఏమన్నారు?
ఫ్లోరిడా నుండి మయామికి బయలుదేరే ముందు డొనాల్డ్ ట్రంప్ను మీడియా సంప్రదించింది. ఇరాన్ తాజా ప్రతిపాదనల గురించి ప్రశ్నించగా.. ఈ డీల్కు సంబంధించిన సమాచారం తనకు అందినట్లు తెలిపారు. త్వరలోనే ఇరాన్ ప్రతిపాదనలకు సంబంధించిన పూర్తి వివరాలు వెల్లడిస్తామన్నారు. అయితే ఇరాన్ తాజా3 ప్రతిపాదనలు ఆమోదయోగ్యం అవుతాయని తాను అనుకోవడం లేదని ఆయన సోషల్ మీడియా వేదికగా పేర్కొన్నారు.