భారత్లో చాలా కాలం నుంచే స్పోర్ట్స్ బైక్ల పిచ్చి నడుస్తోంది. ఇప్పుడు యువతలో దీని క్రేజ్ మరింత పెరిగింది. దాంతో ఇప్పుడు రోడ్లపై మనకు రకరకాల స్పోర్ట్స్ బైక్లు కనిపిస్తున్నాయి.
భారత ఆటోమొబైల్ మార్కెట్లో స్పోర్ట్స్ బైక్లలో యమహా కంపెనీకి చెందిన పలు అద్భుతమైన బైక్లు ఉన్నాయి. ఇప్పుడు మరోసారి యమహా తన శక్తివంతమైన స్పోర్ట్స్ బైక్ యమహా YZF-R2 ను భారత మార్కెట్లోకి తీసుకురాబోతోంది.
ఈ కొత్త 200cc బైక్ నేరుగా కేటిఎమ్ RC 200 కి గట్టి పోటీ ఇస్తుందని మార్కెట్ విశ్లేషకులు భావిస్తున్నారు. మరి ఈ 200cc బైక్ ఫీచర్లు, ఇంజన్, ధర గురించిన పూర్తి వివరాలు ఇక్కడ తెలుసుకోండి.
శక్తివంతమైన 200cc ఇంజన్
యమహాకు చెందిన R15 ఎన్నో ఏళ్లుగా భారత మార్కెట్లో తన పట్టును నిలుపుకుందని చెప్పాలి. కానీ బైక్ లవర్స్ కంపెనీ నుండి మరింత ఎక్కువ పవర్ ఉన్న బైక్ రావాలని ఆశిస్తున్నారు. అందుకే కొత్త యామహా R2 ఈ లోటును భర్తీ చేయనుందని తెలుస్తోంది. ఇందులో దాదాపు 200cc సింగిల్ సిలిండర్, లిక్విడ్-కూల్డ్ ఇంజన్ ఇవ్వనుందని అంతా భావిస్తున్నారు.
900 కి.మీ కంటే ఎక్కువ రేంజ్ ఇవ్వనున్న BYD కొత్త EV.. లగ్జరీ ఫీచర్లు చూస్తే షాక్
ఇది R15 తో పోలిస్తే చాలా ఎక్కువ పవర్, టార్క్ను జనరేట్ చేస్తుంది. ఈ ఇంజన్ దాదాపు 25 బిహెచ్పి పవర్ను ఇస్తుంది. ఇది హైవే క్రూజింగ్, ట్రాక్ రేసింగ్ రెండింటి సమయంలోనూ రైడర్కు వేగాన్ని అనుభూతి చెందేలా చేస్తుంది. విశేషం ఏంటంటే, బలమైన పర్ఫార్మెన్స్తో పాటు యమహా ఇందులో తన సిగ్నేచర్ ఫ్యూయల్ ఎఫిషియన్సీ (మైలేజ్) ని మెయింటైన్ చేస్తుంది.
ఈ బైక్లో అడ్వాన్స్డ్ ఫీచర్లు
ఫీచర్ల విషయానికి వస్తే కంపెనీ ఇందులో ఎలాంటి లోటూ లేకుండా చేసింది. ఈ కొత్త బైక్లో బ్లూటూత్ కనెక్టివిటీని సపోర్ట్ చేసే మెరిసే TFT ఇన్స్ట్రుమెంట్ కన్సోల్, పలు రైడింగ్ మోడ్స్, క్రూజ్ కంట్రోల్ వంటి అడ్వాన్స్డ్ ఫీచర్లు లభించవచ్చు. దీనితో పాటు గేర్ మార్చడాన్ని స్మూత్గా మార్చడం కోసం ఇందులో బై-డైరెక్షనల్ క్విక్షిఫ్టర్, సేఫ్టీ కోసం డ్యూయల్-ఛానల్ ఏబీఎస్తో పాటు ట్రాక్షన్ కంట్రోల్ లభిస్తుందని భావిస్తున్నారు. అందుకే యమహా YZF R2 సరికొత్త అడ్వాన్స్డ్ ఫీచర్లతో లాంచ్ కానుందని నమ్ముతున్నారు.
: రూ.4.53 లక్షలకే 2026 Renault Kwid లాంచ్ - కొత్త స్టీరింగ్, 6 ఎయిర్బ్యాగ్లు, CNG ఆప్షన్
ధర ఎంత ఉంటుంది..
మార్కెట్లో ఈ బైక్ నేరుగా KTM RC 200, Hero Karizma XMR 210 లతో పోటీ పడబోతోందని చెప్పవచ్చు. నివేదికల ప్రకారం, యమహా తన ఈ కొత్త R2 ను R15 V4, ప్రీమియం R3 ల మధ్యలో నిలపనుంది. దీని ఎక్స్-షోరూమ్ అంచనా ధర 2 లక్షల నుండి 2.30 లక్షల రూపాయల మధ్య ఉండవచ్చు. యమహా ఈ ప్రైస్ రేంజ్లో ఈ అదిరిపోయే బైక్ను లాంచ్ చేస్తే.. ఇది KTM RC 200 కి ఒక ముప్పుగా మారవచ్చు. మరో ముఖ్యమైన విషయం ఏంటంటే, ఈ కొత్త బైక్ వచ్చిన తర్వాత కూడా పాత పాపులర్ R15 అమ్మకాలు కొనసాగుతాయి. రెండు బైక్లు భారత మార్కెట్లో ఒకేసారి అమ్ముడవుతాయి.
Author : Shankar Dukanam