యువతను మద్యపాన వ్యసనానికి దూరంగా ఉంచేందుకు మరియు సామాజిక భద్రతను పెంపొందించేందుకు తమిళనాడు ప్రభుత్వం సంచలన నిర్ణయం తీసుకుంది. ఇకపై రాష్ట్రంలో 21 ఏళ్ల లోపు వయసు ఉన్న వారికి మద్యం విక్రయించడాన్ని పూర్తిగా నిషేధిస్తూ ఉత్తర్వులు జారీ చేసింది.

మద్యం దుకాణాలు (TASMAC) మరియు బార్లలో మద్యం కొనుగోలు చేసే వారి కనీస వయస్సు 21 ఏళ్లు ఉండాలని ప్రభుత్వం స్పష్టం చేసింది. అంతకంటే తక్కువ వయస్సు ఉన్న వారికి మద్యం అమ్మడం నేరంగా పరిగణించబడుతుంది. అనుమానం వచ్చినప్పుడు కస్టమర్ల వయస్సును నిర్ధారించుకోవడానికి ఆధార్ కార్డు లేదా ఇతర ప్రభుత్వ గుర్తింపు కార్డులను తనిఖీ చేయాలని దుకాణదారులకు సూచించింది.

ఈ నిబంధనలను ఉల్లంఘించే మద్యం దుకాణాల లైసెన్సులను రద్దు చేయడంతో పాటు భారీ జరిమానాలు విధిస్తామని ప్రభుత్వం హెచ్చరించింది.ఇటీవలి కాలంలో పాఠశాల మరియు కళాశాల విద్యార్థులు మద్యానికి బానిసలవుతున్నారనే ఫిర్యాదులు పెరగడంతో ప్రభుత్వం ఈ చర్యలు చేపట్టింది. యువత ఆరోగ్యం దెబ్బతినకుండా చూడటం మరియు మద్యం మత్తులో జరుగుతున్న నేరాలను, రోడ్డు ప్రమాదాలను అరికట్టడం ఈ నిర్ణయం వెనుక ఉన్న ప్రధాన ఉద్దేశ్యం.