పాకిస్థాన్‌కు చెందిన 'ట్రాన్స్‌గ్రూప్' సంస్థకు పీఎస్ఎల్ (PSL), పీసీబీ (PCB) లతో కూడా బలమైన సంబంధాలు ఉన్నాయి. గత నెల ఆగస్టు 12న అఫ్గానిస్థాన్ క్రికెట్ బోర్డు (ACB) ఈ సిరీస్ షెడ్యూల్‌ను అధికారికంగా ప్రకటించింది. ఆ సమయంలో తమ వాణిజ్య, ప్రసార భాగస్వాముల వివరాలను ఏసీబీ వెల్లడించింది.

ఈ ప్రకటన ప్రకారం.. ట్రాన్స్‌గ్రూప్ సంస్థ ఏసీబీకి గ్లోబల్ మీడియా రైట్స్ సిండికేషన్ భాగస్వామిగా వ్యవహరించనుంది. అలాగే 'TPT360' సంస్థ మీడియా నిర్మాణ భాగస్వామిగా బాధ్యతలు నిర్వర్తించనుంది.

భారత భూభాగంలో ఈ ప్రతిష్టాత్మక సిరీస్‌కు అధికారిక స్ట్రీమింగ్ భాగస్వామిగా కూడా వ్యవహరించనున్నట్లు ఏసీబీ ఆ ప్రకటనలో స్పష్టం చేసింది. రెండు దేశాల మధ్య క్రికెట్ సంబంధాల నేపథ్యంలో పాకిస్థాన్ సంస్థ ఈ హక్కులను దక్కించుకోవడం ప్రాధాన్యం సంతరించుకుంది.