నందమూరి నటసింహం, అగ్రకథానాయకుడు నందమూరి బాలకృష్ణ చిన్న కుమార్తె తేజస్విని నందమూరి తాజాగా సరికొత్త అవతారంలో కనిపించి అందరినీ ఆశ్చర్యపరిచారు. సాధారణంగా సినిమా ఈవెంట్లు, ప్రచార ఆర్భాటాలకు, వెండితెరకు చాలా దూరంగా ఉండే తేజస్విని మొదటిసారి తనలోని డ్యాన్స్ ప్రతిభను బయటకు తీశారు.

టాలీవుడ్ ప్రముఖ కొరియోగ్రాఫర్ భాను మాస్టర్‌తో కలిసి ఆమె ఒక అదిరిపోయే మాస్ అండ్ గ్రేస్‌ఫుల్ సాంగ్‌కు వేసిన డ్యాన్స్ వీడియో ఇప్పుడు సోషల్ మీడియా ప్లాట్‌ఫారమ్స్‌లో విపరీతంగా వైరల్‌గా మారింది. సాంగ్ బీట్స్‌కు తగినట్లుగా ఆమె ఎంతో ఈజ్‌తో.. ఎనర్జిటిక్ గ్రేస్‌తో స్టెప్స్ వేయడం చూసి నందమూరి అభిమానులతో పాటు నెటిజన్లు సైతం 'వావ్.. బాలయ్య కూతురా మజాకా!' అంటూ కామెంట్ల వర్షం కురిపిస్తున్నారు.

నందమూరి బాలకృష్ణ.. వసుంధర దేవి దంపతుల చిన్న కుమార్తె అయిన తేజస్విని ఉన్నత చదువులు అభ్యసించారు. ఆమెకు వ్యాపార రంగంతో పాటు సినిమా నిర్మాణ రంగంపై మంచి అవగాహన ఉంది. తెరపై కనిపించకపోయినప్పటికీ.. బాలకృష్ణ హీరోగా నటించిన కొన్ని ప్రతిష్టాత్మక చిత్రాలకు.. టాక్ షోలకు ఆమె తెరవెనుక ఉండి కీలకమైన ప్రొడక్షన్ మేనేజ్‌మెంట్ బాధ్యతలను విజయవంతంగా నిర్వహించారు. ముఖ్యంగా ఆహా (Aha) ఓటీటీలో బాలయ్య హోస్ట్‌గా వ్యవహరించి సంచలన విజయం సాధించిన 'అన్‌స్టాపబుల్ విత్ ఎన్‌బికె' (Unstoppable with NBK) టాక్ షోకు సంబంధించి క్రియేటివ్.. ప్రొడక్షన్ పనుల్లో ఆమె కీలక పాత్ర పోషించారని ఇండస్ట్రీ వర్గాలు చెపుతుంటాయి.

వ్యక్తిగత జీవితం విషయానికి వస్తే.. 2013వ సంవత్సరంలో తేజస్వినికి ప్రముఖ గీతం విద్యాసంస్థల (GITAM Institutions) అధినేత.. విశాఖపట్నం మాజీ ఎంపీ దివంగత మూర్తి గారి మనవడైన శ్రీభరత్‌తో అత్యంత వైభవంగా వివాహం జరిగింది. శ్రీభరత్ ప్రస్తుతం వ్యాపారవేత్తగా, రాజకీయ నాయకుడిగా రాణిస్తున్నారు. కుటుంబ బాధ్యతలను చూసుకుంటూనే.. అప్పుడప్పుడు ఇలా తనలోని కళా నైపుణ్యాలను బయటపెడుతున్న తేజస్విని లేటెస్ట్ డ్యాన్స్ వీడియో నందమూరి ఫ్యాన్స్‌కు ఒక స్పెషల్ ట్రీట్ అనే చెప్పాలి.