ఇంటర్నెట్ డెస్క్: ఒకప్పుడు మోకాళ్ల నొప్పి అంటే వృద్ధాప్యంలో వచ్చే సమస్యగా భావించేవారు. కానీ ఇప్పుడు 30 నుంచి 35 ఏళ్ల మధ్య వయస్సున్న వారిలో కూడా ఈ సమస్య ఎక్కువగా కనిపిస్తోంది.
మారుతున్న జీవనశైలి, గంటల తరబడి కూర్చోవడం, వ్యాయామం లేకపోవడం, బరువు పెరగడం వంటి కారణాలు దీనికి ప్రధాన కారణాలుగా నిపుణులు చెబుతున్నారు.
ఆర్థోపెడిక్ నిపుణుల సమాచారం ప్రకారం, మోకాలు శరీరంలో చాలా ముఖ్యమైన కీళ్లలో ఒకటి. నడవడం, పరుగెత్తడం, మెట్లు ఎక్కడం వంటి పనుల్లో మోకాళ్లు కీలక పాత్ర పోషిస్తాయి. అయితే శరీరానికి సరైన కదలిక లేకపోతే, మోకాల చుట్టూ ఉన్న కండరాలు బలహీనపడతాయి. దీంతో మోకాలిపై ఒత్తిడి పెరిగి, క్రమంగా నొప్పి ప్రారంభమవుతుంది.
యువతలో మోకాళ్ల నొప్పికి ప్రధాన కారణాలు
ఎక్కువసేపు కూర్చోవడం:
డెస్క్ జాబ్స్, మొబైల్, ల్యాప్టాప్ల ముందు గంటల తరబడి కూర్చోవడం వల్ల రక్త ప్రసరణ తగ్గి, కీళ్ల కదలిక తగ్గుతుంది. దీంతో కీళ్లు బిగుసుకుపోయి నొప్పి వస్తుంది.
అధిక బరువు:
శరీర బరువు పెరిగితే మోకాలపై ఒత్తిడి కూడా పెరుగుతుంది. ప్రతి అదనపు కిలో బరువు మోకాలపై మరింత భారం పెడుతుంది.
మోకాలిలో మృదులాస్థి దెబ్బతినడం:
మోకాలిలో ఉండే మృదులాస్థి నెమ్మదిగా దెబ్బతింటే మొదట్లో పెద్దగా లక్షణాలు కనిపించకపోయినా, తరువాత ఆస్టియో ఆర్థరైటిస్కు దారితీయొచ్చు.
ఈ లక్షణాలను నిర్లక్ష్యం చేయొద్దు
మెట్లు ఎక్కేటప్పుడు లేదా దిగేటప్పుడు నొప్పి
ఎక్కువసేపు కూర్చున్న తర్వాత కీళ్లు బిగుసుకుపోవడం
మోకాలిలో వాపు రావడం
వ్యాయామం చేసిన తర్వాత కూడా నొప్పి తగ్గకపోవడం
మోకాళ్లను ఆరోగ్యంగా ఉంచాలంటే..
బరువును అదుపులో ఉంచాలి.
ప్రతి 40-45 నిమిషాలకు ఒకసారి లేచి నడవాలి.
వాకింగ్, సైక్లింగ్, ఈత వంటి తేలికపాటి వ్యాయామాలు చేయాలి.
ప్రొటీన్ ఉన్న ఆహారం తీసుకోవాలి.
తగినంత నిద్రపోవాలి.
చిన్న వయసులోనే మోకాళ్ల నొప్పి వస్తే దాన్ని నిర్లక్ష్యం చేయకుండా, ప్రారంభ దశలోనే వైద్యులను సంప్రదించడం మంచిదని నిపుణులు సూచిస్తున్నారు.
Note: ఇందులోని సమాచారం ఇంటర్నెట్లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.
సిగరెట్లు తాగకపోయినా పెదాలు నల్లగా ఉన్నాయా? ఈ చిట్కాలు ట్రై చేయండి
రాగి బాటిల్లో నీళ్లు తాగుతున్నారా? ఈ తప్పులు మాత్రం చేయొద్దు