వాషింగ్టన్: ప్రపంచవ్యాప్తంగా అత్యధిక కరోనా కేసులు, మరణాలు అమెరికాలోనే నమోదైన విషయం తెలిసిందే. ఇక శనివారం అమెరికా వ్యాప్తంగా నమోదైన కేసుల సంఖ్య 50 లక్షలు దాటింది. అయితే ఈ సంఖ్య ఇంకా ఎక్కువే ఉండొచ్చని నిపుణులు అభిప్రాయం వ్యక్తం చేస్తున్నారు. అమెరికాలో నిత్యం 50 వేలకు తగ్గకుండా కేసులు నమోదవుతున్నాయి. రానున్న రోజుల్లో ఈ సంఖ్య లక్షకు చేరుకునే అవకాశాలు కూడా ఉన్నాయని నిపుణులు హెచ్చరిస్తున్నారు. మరోపక్క ఫేస్మాస్క్ తప్పనిసరిగా ధరించాలని, భౌతిక దూరం పాటించాలని ఏ రాష్ట్రానికారాష్ట్రం ప్రజలకు సూచిస్తూనే ఉంది. అంతేకాకుండా గుంపులు గుంపులుగా ఒకే చోట చేరవద్దంటూ రాష్ట్ర ప్రభుత్వాలు హెచ్చరిస్తున్నాయి.