దీంతో ఏం తినాలన్నా ఒకటికి పదిసార్లు ఆలోచించి తింటారు. అయితే, కొందరికి మాత్రం వయస్సు అనేది కేవలం ఓ సంఖ్య మాత్రమే. ఏమైనా చేయగలరు. బరువులు ఎత్తుతారు. పరిగెత్తుతారు. ఏమైనా తినేస్తారు. అలాంటి వారికి చాలా ఫిట్‌గా ఉండే యువతి యువకులు కూడా సలాం కొట్టాల్సిందే. ఓ 70 ఏళ్ల బామ్మ 103 కిలోల బరువును ఎత్తిన వీడియో సోషల్ మీడియాలో వైరల్‌ అవుతోంది. ఆమె ఈ బరువును డెడ్‌లిఫ్ట్ (Deadlift) చేసిన తీరు అందరినీ ఆశ్చర్యానికి గురి చేసింది.

అంతే కాదు.. ఈ వీడియోను వెయిట్‌లిఫ్టర్‌మమ్మీ అనే ఇన్‌స్టాగ్రామ్‌ పేజీలో షేర్ చేసింది. ఈ వీడియోను ఇప్పటి వరకు లక్షలాది మంది చూశారు. దాదాపు 29 లక్షల మంది ఈ వీడియోకు లైక్‌ చేశారు. బామ్మపై నెటిజన్లు ప్రశంసలు కురిపిస్తున్నారు. ఆ బామ్మ సంచలనం సృష్టించిందని కొందరు పేర్కొంటున్నారు. చాలా మందికి ఈ బామ్మ ఆదర్శమని అంటున్నారు.