Monday, 14 Jun, 7.52 pm ఆంధ్రజ్యోతి

తెలంగాణ తాజావార్తలు
బెస్ట్ కాలనీగా తునికి బొల్లారం R & R కాలనీ : సోమేష్ కుమార్

సిద్దిపేట: దేశంలోనే బెస్ట్ కాలనీగా తునికి బొల్లారం R & R కాలనీని తీర్చిదిద్దామని రాష్ట్ర ప్రభుత్వ ప్రధాన కార్యదర్శి సోమేష్ కుమార్ అన్నారు. కొండపోచమ్మ సాగర్ జలాశయం నిర్వాసితుల కోసం ఏర్పాటు చేసిన తునికి బొల్లారం R & R కాలనీని కలెక్టర్ వెంకట్రాం రెడ్డితో కలిసి ఆయన సందర్శించారు. తునికి బొల్లారం R & R కాలనీ వివరాలను సీఎస్ సోమేష్ కుమార్‌కు కలెక్టర్ వెంకట్రాం రెడ్డి వివరించారు. అనంతరం నిర్వాసితులతో సీఎస్ మాట్లాడారు. R & R కాలనీ చాలా బాగా వచ్చిందని సీఎస్ అన్నారు.

కాలనీ లే అవుట్, అంతర్గత రోడ్లు, మౌలిక సదుపాయాలు బాగున్నాయని ఆయన పేర్కొన్నారు. దీంతో దేశంలోనే బెస్ట్ కాలనీగా తునికి బొల్లారం R & R కాలనీగా ఉందన్నారు. ప్రాజెక్ట్ నిర్మాణ సమయంలో నిర్వాసితులకు బెస్ట్ కాలనీని నిర్మిస్తామని సీఎం కేసీఆర్ తమకు హామీ ఇచ్చి నెరవేర్చారని ఈ సందర్భంగా నిర్వాసితులు తెలిపారు. హామీ ఇచ్చిన మేరకు అన్ని వసతులతో కాలనీ నిర్మాణం చేసి తమకు అందజేశారని సీఎస్ సోమేష్ కుమార్‌కు నిర్వాసితులు వివరించారు. ఈ కార్యక్రమంలో రాష్ట్ర ఐటీ శాఖ ముఖ్య కార్యదర్శి జయేష్ రంజన్, అదనపు కలెక్టర్ ముజమ్మిల్ ఖాన్, ఆర్డీఓ విజయేందర్ రెడ్డి, తదితరులు పాల్గొన్నారు.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Andhrajyothy
Top