ఢిల్లీ, సెప్టెంబర్ 4: భారత అంతరిక్ష పరిశోధనా సంస్థ (ISRO) మరో ఘన విజయాన్ని తన ఖాతాలో వేసుకుంది. శ్రీహరికోటలోని సతీష్ ధావన్ స్పేస్ సెంటర్ నుంచి నిర్వహించిన జీఎస్‌ఎల్‌వీ-ఎఫ్17 (GSLV-F17) రాకెట్ ప్రయోగం విజయవంతమైంది.

ఈ చరిత్రాత్మక విజయంపై కేంద్ర విదేశాంగ మంత్రిత్వ శాఖ (MEA) అధికార ప్రతినిధి రణధీర్ జైస్వాల్ హర్షం వ్యక్తం చేశారు. ఇది 'భారతదేశానికి గర్వకారణం' అని అభివర్ణించారు. 'ఇస్రో జీఎస్‌ఎల్‌వీ-ఎఫ్17 ద్వారా EOS-05 ఉపగ్రహాన్ని విజయవంతంగా ప్రయోగించడం భారత్‌కు ఎంతో గర్వకారణమైన క్షణం. ఇది మన దేశ అంతరిక్ష సాంకేతిక సామర్థ్యాలను, అలాగే ఇస్రో, భారతీయ పరిశ్రమల మధ్య పెరుగుతున్న భాగస్వామ్యాన్ని స్పష్టం చేస్తోంది' అని రణధీర్ జైస్వాల్ సామాజిక మాధ్యమం 'X' లో పేర్కొన్నారు.

తొలి జియో-ఇమేజింగ్ ఉపగ్రహం ప్రయోగం విజయవంతం కావడంపై భారత ప్రధాని నరేంద్ర మోదీ ఇప్పటికే ఇస్రో శాస్త్రవేత్తలను అభినందించారు. ఇది దేశ అంతరిక్ష రంగ నైపుణ్యానికి, ఆవిష్కరణలకు, పెరుగుతున్న సామర్థ్యాలకు ప్రతీక అని ప్రధాని పేర్కొన్నారు.

EOS-05 ప్రయోగం ప్రత్యేకతలు:

తొలి జియో-ఇమేజింగ్ ఉపగ్రహం: భూస్థిర (Geo) కక్ష్య నుంచి భారతదేశపు సమాచారాన్ని, చిత్రాలను నిరంతరం పంపించే మొదటి ప్రత్యేక ఇమేజింగ్ శాటిలైట్ ఇదే.

బరువు: ఈ రాకెట్ ద్వారా ఇస్రో ఇప్పటివరకు ప్రయోగించిన అత్యంత బరువైన 2,367 కిలోల ఉపగ్రహాన్ని కక్ష్యలో ప్రవేశపెట్టినట్లైంది.

వ్యూహాత్మక ప్రాముఖ్యత: ఉపగ్రహం పూర్తిస్థాయిలో అందుబాటులోకి వచ్చాక, దేశ భద్రత , వ్యూహాత్మక అవసరాలకు అవసరమైన కీలక డేటాను నిరంతరం అందిస్తుంది.

19వ ప్రయోగం: GSLV రాకెట్ సిరీస్‌లో ఇది 19వ ప్రయోగం కావడం విశేషం.

ఈ వార్తలు కూడా చదవండి..

పిఠాపురం పాదగయలో సామూహిక వరలక్ష్మీ వ్రతం.. భారీగా తరలివచ్చిన మహిళా భక్తులు

ఈ ఏడాది తొలి విజయం.. జీఎస్ఎల్‌వీ-ఎఫ్17 మిషన్: ఇస్రో చైర్మన్ నారాయణన్

For More National News And Telugu News