వీవీఐపీల ప్రయాణాలకు ప్రత్యేకంగా రూపకల్పన
న్యూఢిల్లీ, అక్టోబరు 1: రాష్ట్రపతి, ఉపరాష్ట్రపతి, ప్రధాని ప్రయాణాలకు మాత్రమే ఉపయోగించే బీ777 ప్రత్యేక విమానం భారత్కు చేరుకుంది. అమెరికాలోని టెక్సస్ నుంచి బయల్దేరిన ఈ విమానం గురువారం తెల్లవారు జాము 3 గంటలకు ఢిల్లీ ఎయిర్పోర్టుకు చేరుకున్నట్టు అధికారులు చెప్పారు. ఎయిర్ ఇండియా కోసం బోయింగ్ సంస్థ తయారుచేసే ఈ ఎయిర్ క్రాఫ్ట్ ఈ ఏడాది జూలైలోనే మనదేశానికి రావాల్సి ఉంది. కరోనా వ్యాప్తి, సాంకేతిక సమస్యల కారణంగా వాయిదా పడింది. వీవీఐపీ టూర్లకు ఉపయోగించే మరో బీ777 విమానం కూడా త్వరలో మన దేశానికి రానుందని అధికారులు తెలిపారు. ఈ రెండు విమానాల కొనుగోలు కోసం రూ.8,400 కోట్లు ఖర్చవుతుందని అంచనా వేసినట్టు అధికారులు చెప్పారు.