Saturday, 25 Sep, 6.04 pm ఆంధ్రజ్యోతి

జాతీయం-అంతర్జాతీయం
చెన్నై మెట్రో ప్యాసింజర్స్‌కి శుభవార్త

చెన్నై: మెట్రో ప్రయాణికులకు చెన్నై మెట్రో రైల్ లిమిటెడ్ (సీఎంఆర్ఎల్) శుభవార్త చెప్పింది. వచ్చే ఏడాది జనవరి నాటికి నేషనల్ కామన్ మొబిలిటీ కార్డ్ (ఎన్‌సీఎంసీ) తీసుకురానున్నట్టు తెలిపింది. ఈ కార్డు ద్వారా ప్రయాణికులకు అనేక ప్రయోజనాలు ఉంటాయి. ఈ కార్డు సేవలు కనుక అందుబాటులోకి వస్తే ప్రయాణికులకు వేర్వేరు సేవల కోసం వేర్వేరు కార్డులు ఉపయోగించే బాధ తప్పుతుంది. ఉదాహరణకు మెట్రోరైల్, ఎంటీసీ బస్, సబర్బన్ రైల్, పార్కింగ్ సేవలను ఈ ఒక్క కార్డుతో పొందవచ్చు. అంతేకాదు, మెట్రో స్టేషన్‌లలో డైనింగ్, బస్ టెర్మినల్స్, స్టేషన్‌లలో షాపింగ్ కోసం కూడా ఈ కార్డును ఉపయోగించుకోవచ్చు.

2019లోనే గృహ, పట్టణ వ్యవహారాల మంత్రిత్వశాఖ ఎన్‌సీఎంసీని తీసుకురావాలని ఆలోచన చేసింది. షాపింగ్, బ్యాంకింగ్ సహా మెట్రో రైల్, ఎంటీసీ, ఇతర రవాణా వ్యవస్థల్లో నిరంతరాయంగా ప్రయాణించే ఉద్దేశంతో ఈ ఐడియాను తీసుకొచ్చింది. ఈ కార్డులను ఆన్‌లైన్ ద్వారా కానీ, మెట్రో స్టేషన్లలో కానీ రీచార్జ్ చేసుకోవచ్చు.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Andhrajyothy
Top