అయితే పెట్రోల్, డీజిల్ కార్లతో పోలిస్తే EVల్లో లాంగ్ ట్రిప్ ప్లాన్ చేసేటప్పుడు కొంత ముందస్తు ప్రణాళిక అవసరం. ముఖ్యంగా ఛార్జింగ్ స్టేషన్లు ఎక్కడ ఉన్నాయి? బ్యాటరీ రేంజ్, మార్గమధ్యంలో ఎదురయ్యే పరిస్థితులపై అవగాహన ఉంటే ప్రయాణం మరింత సౌకర్యవంతంగా మారుతుంది.

ఈ విషయాలు గుర్తుంచుకోండి

ఎలక్ట్రిక్ వాహనాల తయారీ సంస్థలు ప్రకటించే బ్యాటరీ రేంజ్‌ కంటే వాస్తవ ప్రయాణంలో బ్యాటరీ రేంజ్‌ కొంత తక్కువగా ఉండే అవకాశం ఉంది. వాతావరణం, రహదారి పరిస్థితులు, వాహనంలోని బరువు, ఏసీ వినియోగం వంటి అంశాలు బ్యాటరీ పనితీరుపై ప్రభావం చూపుతాయి.

ప్రయాణానికి ముందు:

• లాంగ్ ట్రిప్‌కు బయల్దేరే ముందు మీ ఎలక్ట్రిక్ వాహనం సాఫ్ట్‌వేర్ తాజా వెర్షన్‌లో ఉందో లేదో నిర్ధారించుకోవాలి.

• అత్యవసర పరిస్థితుల కోసం పోర్టబుల్ ఛార్జింగ్ కేబుల్ వెంట తీసుకెళ్లాలి.

• లాంగ్ ట్రిప్‌కు బయల్దేరే ముందు బ్యాటరీని పూర్తిగా ఛార్జ్ చేయాలి.

• అయితే మార్గమధ్యంలో ఛార్జింగ్ చేసేటప్పుడు 80 శాతం వరకు మాత్రమే ఛార్జ్ చేయడం సమయం ఆదా చేస్తుంది.

ఉపయోగపడే యాప్స్

EV ప్రయాణికులకు సాధారణ నావిగేషన్ యాప్స్‌తో పాటు ఛార్జింగ్ స్టేషన్ల సమాచారం ఇచ్చే ప్రత్యేక యాప్స్ కూడా ఉపయోగపడతాయి.

స్టాటిక్ (Statiq): ఈ యాప్ ద్వారా ఛార్జింగ్ స్టేషన్ అందుబాటులో ఉందా లేదా అనే సమాచారాన్ని వెంటనే తెలుసుకోవచ్చు.

టాటా పవర్ ఈజీ ఛార్జ్: దేశవ్యాప్తంగా విస్తరించిన ఛార్జింగ్ నెట్‌వర్క్ వివరాలను ఈ యాప్ అందిస్తుంది.

ఛార్జ్ జోన్: రియల్ టైమ్ సమాచారం, సులభమైన పేమెంట్ సదుపాయాలు కలిగి ఉంటుంది.

ప్లగ్ షేర్: ఇతర EV వినియోగదారుల అనుభవాలు, రివ్యూలు చూడటానికి ఇది ఎంతో ఉపయోగపడుతుంది.

ఛార్జర్ పనిచేయకపోతే?

కొన్నిసార్లు స్టేషన్‌కు చేరుకున్నాక ఛార్జర్ పనిచేయకపోవచ్చు. అలాంటి పరిస్థితుల్లో

• ఛార్జర్ స్టేటస్ లైట్లను పరిశీలించాలి.

• యాప్ ద్వారా లేదా QR కోడ్ స్కాన్ చేసి సమస్యను గుర్తించాలి.

• కస్టమర్ కేర్‌ను సంప్రదించాలి.

• అవసరమైతే సమీపంలోని మరో ఛార్జింగ్ స్టేషన్‌ను వెతకాలి.

• EV ప్రయాణాల్లో ఎప్పుడూ ప్రత్యామ్నాయ ఛార్జింగ్ కేంద్రాలను గుర్తించుకోవడం మంచిది.

• మార్గంలో ఉన్న హోటళ్లు, మాల్స్, రెస్టారెంట్లలో ఛార్జింగ్ సదుపాయాలు ఉన్నాయో తెలుసుకోవాలి.

• పోర్టబుల్ ఛార్జర్ ఉపయోగించుకునే అవకాశం ఉంచుకోవాలి.

• వాహన తయారీ సంస్థ అందించే రోడ్‌సైడ్ అసిస్టెన్స్ వివరాలను వెంట ఉంచుకోవాలి.

స్మార్ట్ డ్రైవింగ్ టిప్స్

• బ్యాటరీలో కనీసం 15 నుంచి 20 శాతం ఛార్జ్ నిల్వ ఉంచేలా ప్లాన్ చేసుకోవాలి.

• ప్రయాణ మార్గంలో కనీసం రెండు ప్రత్యామ్నాయ ఛార్జింగ్ స్టేషన్లను గుర్తించాలి.

• ఏసీ వినియోగాన్ని అవసరానికి అనుగుణంగా నియంత్రించాలి.

• కొండ ప్రాంతాల్లో రీజెనరేటివ్ బ్రేకింగ్ ఫీచర్‌ను ఉపయోగించాలి.

EVలో లాంగ్ డ్రైవ్ చేయడం ఇప్పుడు పెద్ద సవాలు కాదు. సరైన ప్రణాళిక, అవసరమైన యాప్స్, ముందస్తు జాగ్రత్తలు ఉంటే ప్రయాణం మరింత సౌకర్యవంతంగా సాగుతుంది. కాస్త ప్లానింగ్‌తో మీ EV ట్రిప్‌ను మరపురాని అనుభవంగా మార్చుకోవచ్చు.

Note: ఇందులోని సమాచారం సాధారణ అవగాహన కోసం మాత్రమే.. ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

నిమ్మకాయ ఎండిపోయిందా? పారేయకండి.. ఇలా వాడండి

ఎంతటి జ్ఞానవంతుడైనా ఈ తప్పులు చేస్తే కష్టాలు తప్పవు