క్రిస్టియానో రొనాల్డో లాంటి ఆటగాడు ఉన్న పోర్చుగల్పై చరిత్రాత్మక గోల్ కొట్టి ఓవర్నైట్ స్టార్గా మారిపోయాడు డిఆర్ కాంగో ఆటగాడు యోవానే విస్సా.
ఐదేళ్ల క్రితం యాసిడ్ దాడిలో కంటిచూపు కోల్పోయి దాదాపు కెరీర్ ముగిసిందనుకున్న దశ నుంచి ఇప్పుడు ఆ జట్టు ఆశాదీపంగా మారిన 29 ఏళ్ల విస్సా జీవితం అత్యంత స్ఫూర్తిదాయకం. 2021 జులైలో ఓ మహిళ ఆటోగ్రాఫ్ తీసుకోవాలన్న నెపంతో విస్సా ఇంటికి వచ్చి అతడి మొహంపై యాసిడ్ పోసింది. ఈ ఘటనలో అతడు రెండుకళ్లు కోల్పోయే పరిస్థితి తలెత్తగా, అనేక సర్జరీల అనంతరం వైద్యులు అతని కంటిచూపును కాపాడారు. అయితే, విస్సా కూతురును కిడ్నాప్ చేయడంలో భాగంగా ఆ మహిళ ఈ దాడికి పాల్పడినట్టు పోలీసులు గుర్తించారు. దాడికి పాల్పడిన ఆ మహిళకు కోర్టు 18 ఏళ్ల జైలుశిక్ష కూడా విధించింది. ఈ దాడి కారణంగా కొన్నాళ్లు ఆటకు దూరమైన విస్సా.. ఆ ఘటన నుంచి కోలుకొన్న తర్వాత తిరిగి మైదానంలోకి అడుగుపెట్టాడు. తనదైన ప్రతిభతో క్లబ్ స్థాయిలో అదరగొడుతూ, అంతర్జాతీయస్థాయిలో తన దేశ జట్టుకు కీలక ఆటగాడిగా మారాడు.
(ఆంధ్రజ్యోతి క్రీడా విభాగం)
ఇవీ చదవండి: