ట్రంప్ విమానం మారిన సమయంలో ఎయిర్ ఫోర్స్ వన్ విమానంలో ఉన్న వాషింగ్టన్ పోస్ట్, రాయిటర్స్ జర్నలిస్టులు.. సీక్రెట్ సర్వీస్ ఏజెంట్లు.. విమాన సిబ్బంది ప్రత్యక్ష అనుభవాలు, ఇంటర్వ్యూలతో నెట్‌ఫ్లిక్స్ ఈ డాక్యుమెంటరీని తెరకెక్కించింది. ఉత్కంఠభరితమైన నిజ జీవిత సంఘటన ఆధారంగా తెరకెక్కిన 'ఇన్‌స్టాడాక్స్: ది డికాయ్ ప్లేన్' సెప్టెంబర్ 4వ తేదీనుంచి స్ట్రీమింగ్ కానుంది.

ఇంతకీ ఏం జరిగిందంటే..

జులై నెలలో నాటో సదస్సు కోసం ట్రంప్ ఖతార్ దేశం బహుమతిగా ఇచ్చిన అత్యాధునిక కొత్త ఎయిర్ ఫోర్స్ వన్ విమానంలో తుర్కియే వెళ్లారు. ఇరాన్ సరిహద్దులకు ఆనుకుని ఉన్న తుర్కియేలో కొత్త విమానం భద్రతపై నిఘా వర్గాలు అనుమానాలు వ్యక్తం చేశాయి. ఈ నేపథ్యంలోనే భద్రతా సిబ్బంది రహస్యంగా ఆయనను తుర్కియే నుంచి తరలించేందుకు పక్కా ప్లాన్ వేశారు.

ఆ ప్లాన్‌లో భాగంగా.. అంకారా విమానాశ్రయంలో కెమెరాల ముందు ట్రంప్ ఎయిర్ ఫోర్స్ వన్ విమానం ఎక్కారు. ట్రంప్ లోపలికి వెళ్లిన వెంటనే.. ఎవరికీ అనుమానం రాకుండా ఎయిర్‌పోర్ట్ క్యాటరింగ్ ట్రక్కు సహాయంతో రన్‌వేపై సిద్ధంగా ఉన్న చిన్న మిలిటరీ విమానంలోకి ఆయనను మార్చారు. అధ్యక్షుడు ట్రంప్ మిలిటరీ విమానంలోనే సురక్షితంగా బ్రిటన్‌లోని 'రాఫ్ మైల్డెన్‌హాల్' వైమానిక స్థావరానికి చేరుకున్నారు.

>

నాంపల్లి గుట్టకు శ్రావణ సందడి

ఫేక్ ఇంజూరీ.. పాక్ ప్లేయర్ ఇమామ్‌పై పీసీబీ విచారణకు ఆదేశం!